በወረታ ከተማ ዐማሮችን በጅምላ ለመጨረስ ተልእኮ የተሰጠው ደኅንነት በከተማው ለመጠጥ አገልግሎት የሚውለው ውኃ ማጠራቀሚያ ጋን ውስጥ ገዳይ መርዝ ሊጨምር የነበረ ወያኔ (ትግሬ የሆነ) ደኅንነት በሕዝብ ቁጥጥር ሥር ዛሬ ውሏል። የፎገራ ሕዝብ በቁጣ እርምጃ ሊወስድበት ሲል የወያኔ ጽጥታ አካላት ለጊዜው እንደሸሸጉት ለማወቅ ተችሏል።

ወያኔዎች ዐማራውን በተለያየ መልኩ ለመፍጀት ጥረት እንደሚያደርጉ በመገንዘብ ሕዝቡ ጥንቃቄ እንዲያደርግ መልእክት የወረታ ዐማሮች አስተላልፈዋል።

የወያኔ መንግስት በኢትዮጵያ ህዝብ ላይ የሚያደርሰውን ዘርፈ ብዙ በደሎች እንዲያቆምና ለህዝብ ጥያቄ አዎንታዊ ምላሽ እንዲሰጥ ለማስገደድ ብሎም በሀገር ቤት እየተደረገ ላለው ህዝባዊ እምቢተኝነት አጋርነታችንን ለመግለፅ አርብ ኦገስት 26/2016 በፍራንክፈርት ከተማ ታላቅ ትእይንተ ህዝብ ስላዘጋጀን በመላው ጀርመን የምትገኙ ኢትዮጵያውያን የኢትዮጵያዊነት መገለጫ የሆነውን ያልተበረዘ አረንጏዴ፣ ቢጫ እና ቀዩን ባንዲራ ይዛችሁ ቢቻል ጥቁር ልብስ በመልበስ እንድትገኙ ጥሪያችንን እናስተላልፋለን::
ሰልፉ የሚጀምርበት ሰዐት: -12:00
ሰልፉ የሚጠናቀቅበት ሰአት:-17:30
የሰልፉ መነሻ ቦታ:- ፍራንክፈርት ሀብት ቫኸ (Frankfurt Hauptwache)
ሰልፉ የሚጠናቀቀው:-ኢትዮጵያ ኢምባሲ በር ላይ
የሰልፉ አዘጋጆች:- በዲፒሀር ኢንተርቴይንመንት በጀርመን የኢትዮጵያ የባህል እና የሙዚቃ ማእከል እና በጀርመን የኢትዮጵያውያን የስደተኞች ምክር ቤት በጋራ
ለበለጠ መረጃ:- +49 15785114566
+4915218504056
+4961032904352 ይደውሉ::
ኢትዮጵያ ለዘላለም ትኑር!!!!!

ይድረስ በአንድነት ስም እየተንቀሳቀሳችሁ ላላችሁ አገር አቀፍ የኢትዮጵያ የፖለቲካ ድርጅቶችና የሲቪል ተቋማት ባላችሁበት

ከአቻምየለህ ታምሩና ከሙሉቀን ተስፋው

እንደምታውቁት ከሐምሌ 5 ቀን 2008 ዓ.ም. ጀምሮ የአማራ ህዝብ ከፋሽስት ጥሊያን በላይ የከፋ ከሆነው ጨካኙ የትግራይ ህዝብ ነጻ አውጭ ግንባር ጋር ፊት ለፊት ገጥሞ እየተጋደለ ይገኛል። ባሁኑ ሰዓት አማራው እያደረገ ያለው ተጋድሎ ወደኋላ ላፍታ እንኳ ቢመለስ ህዝባችን የከፋ ግፍና መከራ ላይ በእርግጠኛነት ሊወድቅ እንደሚችል ቂመኛውን ወያኔ የሚያውቅ ሁሉ ያውቀዋል። ስለሆነም እየተካሄደው ያለው የአማራ ተጋድሎ የተከፈለው መስዕዋትነት ተከፍሎ ወደፊት መሄድና ማደግ አለበት እንጂ ወደኋላ ሊመለስ አይገባም።

የአገራችንን ሁኔታ ለሚከታተል ሁሉ ግልጽ እንደሆነው በታሪካዊቷ ጎንደር ከተማ በሳልሳዊ ቴዎድሮስ ወይንም በኮሎኔል ደመቀ ዘውዱ ችቦ ለኳሽነት የተጀመረው ይፋዊ የአማራ ተጋድሎ በአሁኑ ሰዓት ጎጃምን አዳርሶ ወደ ሸዋና ወሎ ተሸጋግሯል። ትናንትና በወልቃይት አማሮች የተለኮሰው የአማራ ተጋድሎ ችቦ አድማሱን አስፋፍቶ ዛሬ ላይ መላውን የአማራ ህዝብ ከዳር እስከ ዳር አነቃንቋል።

ባለፉት ሶስት ሳምንታት በጎጃምና በጎንደር የተካሄደው የአማራ ተጋድሎ በቅርበት ለተመለከተ ተጋድሎው አላማውን እያሳካ፤ ህዝባዊነትን ተላብሶ እንደሰደድ እሳት እየተስፋፋ ስለመሆኑ ነጋሪ አያሻውም። ይህ ታሪካዊ ተጋድሎ በዚህ ፍትነት ሲስፋፋና ውጤታማ ሊሆን የቻለው የአማራው ህዝብ እያካሄደ ያለው የፖለቲካ ሳይሆን የህልውና ትግል በመሆኑ ነው። በዚህ የአማራ የህልውና ተጋድሎ ጀርባ የተሰለፉም ሆነ ተጋድሎውን ከፊት ሆነው እየመሩ ያሉ የፖለቲካ ድርጅቶች ሆኑ ግለሰቦች የሉም። ከትግሉ ጀርባ የተሰለፈውም ሆነ የትግሉ መሪ ራሱ ተጋዳዩ ጀግናው የአማራ ህዝብ ነው።

ሆኖም ግን የአማራው የህልውና ተጋድሎ የፖለቲካ ትግል እየመሰላቸው የህልውና ተጋድሎውን ወደ ፖለቲካ ትግል ደረጃ ለማሳነስ የሚሞክሩ የፖለቲካ ድርጅቶች አልጠፉም። በተጋድሎው ወቅት የታዩት የፖለቲካ ድርጅቶች መፈክሮችም ሆኑ ከተጋድሎው በኋላ የተስተጋቡት «ከትግሉ ጀርባ እኛ አለንበት» ወይንም « ትግሉ የእኛ ነው» በሚል የቀረቡት የድርጅት መግለጫዎችና ዲስኩሮች የአማራው ተጋድሎ ከእውነተኛው የህዝቡ የህልውና ተጋድሎ ከፍታ ወደ ፖለቲካ ትግል ደረጃ ወርዶ ህዝባዊ ተጋድሎው የፖለቲካ ትግል እንዲመስል ጣልቃ በመግባት ለማሳነስ ተሞክሮ እንደነበር ማሳያዎች ናቸው።

የባህርዳሩ ህዝባዊ ተጋድሎ ከፍተኛ መስዕዋትነት ያስከፈለን የህዝባዊ ተጋድሎው መሪም ሆነ ስልት ነዳፊ ሰፊው የአማራው ህዝብ ራሱ ሆኖ ሳለ «የአማራ ችግር የፖለቲካ ችግርና የአስተዳደር ጉድለት እንጂ የህልውና አደጋ አይደለም» ብለው የሚያምኑና «በአንድነት» ስም «እንታገላለን» የሚሉ የፖለቲካ ድርጅቶች በፈጠሩት ጣልቃ ገብነት ነው። ይህ የድርጅቶች ጣልቃ ገብነት ወያኔ «አሸባሪ» በሚላቸው ድርጅቶች አስታኮ ህዝቡን እንዲጨፈጭፍ ሰበብ ሆኖታል።

የዚህ ተማጽኖ አላማም ወደፊት የአማራ ህዝብ በሚያደርጋቸው ተጋድሎዎች ዙሪያ ከአማራው የህልውና አደጋዎች በላይ የድርጅታቸውን አጀንዳ ቀዳሚ የሚያደርጉ ድርጅቶች ከድርጊታቸው ይቆጠቡና ወያኔ ህዝባችንን እንዲጨርስ ሰበብ እንዳይሆኑ ወገናዊ ልመናችንን ለማቅረብ ነው።

የፖለቲካና የሲቪል ድርጅቶች ተጋዳዩን የአማራ ህዝብ ከድርጅታቸው ሳጥን በመውጣት ከህዝቡ ጋር ሆነው እንደ ድርጅት ሳይሆን እንደ ህዝብ፤ የድርጅታቸውን አጀንዳ አንግበው ሳይሆን ህዝቡ ያነሳውን የህልውና አደጋ እንደ ህዝብ በማንሳት በድርጅት ደረጃ ሳይሆን በግለሰብ ደረጃ ተሳታፊ በመሆን የአማራውን ተጋድሎው ማገዝ ይችላሉ። ይህን የሚያደርጉት ታዲያ «ከተጋድሎው ጀርባ እኛ አለንበት» ወይንም «ተጋድሎው የእኛ ነው» የሚል የሰለቸ የመግለጫ ጋጋታ ለማውጣት አይደለም።

በአማራው ተጋድሎ ሂደት ህዝቡን ወክሎ መግለጫ የሚሰጥ፣ የሚደራደርም ሆነ ጥሪ የሚያቀርብ ራሱ ተጋዳዩ ህዝብና የአማራ በደል የወለዳቸው ልጆቹ ብቻ ናቸው እንጂ የድርጅት አጀንዳ የያዙ ግለሰቦችና የፓርቲ ስብስቦች አይደሉም።

የፖለቲካ ፕሮግራማቸው በዋናነት የአማራውን ህዝብ ህልውና ማዕከል ያላደረጉ የፖለቲካና የሲቪል ድርጅቶች መፈክርና መግለጫ እያወጡ አማራው ከተጫነበት የህልውና አደጋ በላይ የራሳቸውን አጀንዳ በማስቀደም «ከተጋድሎው ጀርባ እኛ አለንበት» ወይንም «ተጋድሎው የእኛ ነው» ቢሉ ጨካኙ ወያኔ የሚጠላውንና ሊያጠፋው የተነሳውን የአማራ ህዝብ እንዲጨርስ፤ በአሳው አሳቦ ባህሩን እንዲያደርቅ ሰበብ መሆናቸውን መገንዘብ አለባቸው።

ስለዚህ «ህዝባዊ ነኝ» የሚል ማንኛውም የፖለቲካና የሲቪል ድርጅት ሁሉ ወያኔ አማራውን ሰበብ ፈጥሮ እንዳይጨፈጭፈው «ከትግሉ ጀርባ እኛ አለንበት» ወይንም « ትግሉ የእኛ ነው» ከሚል ህዝባዊ ያልሆነ የድርጅት መግለጫ ራሱን በመቆጠብ ህዝባዊ ተጋድሎውን በህዝቡ አጀናዳዎች ዙሪያ ብቻ እንደ ህዝብ የሚችለውን አስተዋጽኦ በማድረግ የአማራን ተጋድሎ ያግዝ ዘንድ በታላቅ አክብሮት ወገናዊ ጥሪያችንን እናቀርባለን።

ድል ለአማራ ህዝብ!
ድል ለኦሮሞ ህዝብ!
ድል ለኢትዮጵያ ህዝብ!
የአማራ ተጋድሎ ይቀጥላል።

ዉድ አንባቢያን የመጣጥፏ መነሻ ሃሳብ የተወሰደዉ ”The Battle of Adwa, African victory in the age og Empire በሚል ከ Raymond Jonas በ 2011 ክተጻፈ መጽሃፍ መሆኑ እንዲታውቅልኝ አሳስባለሁ ። አገራችን ኢትዮጵያ ትልቅ አገር ነበረች፡ ህዝቧም ለዕምነቱ ያደረ፤ስብእናን የተላበሰና ለእዉነትም ሟች እንድነበረ ከዕድሜ ጠገብ ሊቃዉንት እና ከቅሬተ መረጃዎቻችን መረዳት ይቻላል። አያሌ አገራት ከኢትዮጵያ በኋላ እየተነሱ ዛሬ ገናናዎች ሆነዋል በአንጻሩ ግን የኛ ኢትዮጵያ እንደ አገር ኢትጵያዉያንም እንደ ህዝብ የመጨረሻ ዉዳቂዎች ሆነን ዓለም ተጠይፎናል ።ይህ ሁሉ ርካሽነት ከምን መጣ፟ ? በኢትዮጵያዉያን ዘንድ ስብእናን ማዋረድ፤ ለእዉነት ከመቆም ይልቅ ሃሰትን መድፈር፤ ከጋራ ጥቅም ይልቅ ለግል ጥቅም መገዛት በአጠቃላይም ለኢትዮጵያዊነት እሴት እየተሟጠጠ መሄድ ምክንያቱ የዉጭ ወራሪ ሃይላት ኢትዮጵያ ዉስጥ መግባት መጀመር ሲሆን ይህ ክስተት ይበልጥ መልክ እየያዘና እየተጠናከረ የመጣዉ ግን በጣሊያን ወረራ ነዉ ይላሉ ጠበብት።
ጣሊያን ኢትዮጵያን ለመዉረር ሲያቅድ መጀመሪያ ላይ ዕግሩን ያሳረፈዉ ምጽዋ ላይ ነዉ። ከምጽዋ ወደ መሃል አገርና ወደ ደጋዉ ለመዝለቅ ግን ለጣሊያን ቀላል አልነበረም።

ዶጋሊ ላይ በራስ አሉላ መሪነት በተደረገዉ ጦርነት ወሬ ነጋሪ እንኳን ሳይቀር የጣሊያን ጦር ድምጥማጡ እንዲጠፋ በመደረጉ የጣሊያን ወይዛዝርት ከል እንዲለብሱ ፖለቲከኞች ወደ ህዝብ ፊት ለመቅረብ ሃይል ያጡበት እና የወታደር ሃላፊዎች ለማመን የሚያቅት ሽንፈት እንዲቀበሉ የተገደዱበት ሁኔታ ተፈጠረ። በጣሊያን ምድር ዋይታዉ ቀለጠ እናም እንደ ማጽናኛ ተደርጎ የተወሰደዉ ለአለቁት ጣሊያኖች ሃዉልት ማሠራት እና ሃይልን አጠናክሮ ወደ ኢትዮጵያ መመለስ ሆነ።

ጣልያን ሃይሉን አጠናክሮ ወደ ኢትዮጵያ ቢመለስም ኢትዮጵያዉያንን ፊት ለፊት መግጠም ግን አሁንም የሚሞከር አልሆነም እና ሌሎች መንገዶችን ማፈላለግ ነበረበት። ጠቃሚ ነዉ ተብሎ የታመነበትም መንገድ ለጣሊያን ያደሩ ኢትዮጵያዉያንን በመመልመል በግንባር ማሰለፍ የሚል ሆነ።በዚህም መሠረት በህብረተሰቡ ዉስጥ ችግር ያለባቸዉን ግለሰቦች ለምሳሌ ሌቦችን ፤ ቀጣፊዎችን እና በአጠቃላይ በህብረተሰቡ ዘንድ ተቀባይነት የሌላቸዉ ግለሰቦችን በመመልመል የተጀመረዉ የባንዳ ምልመላ በአጭር ጊዜ ዉስጥ አድጎ ጣሊያን አያሌ የአስካሪስ ወይም ባንዳ ባታሊዮኖች ለማቋቋም ቻለ።

ጣሊያን ይህንን ሲያደርግ ለአጭር ጊዜ ድል ብች ሳይሆን ለረጅም ጊዜ ዕቅዱ በሚያመቸዉ መንገድ ነበር። በዚህም አንድ ባንዳ ወታደር ሲቀጠር ሚስት እንዲያገባ እና ቤተሰብ እንዲመሠርት የቤተሰቡ አባላትም በወታደራዊዉ ስራ እንዲሳተፉ ከማድረግ ባሻገር የጣሊያንን ቋንቋ ባህል እና አጠቅላይ ከኢትዮጵያዉያን የሚለዩበትን መንገድ እንዲያጠናክሩ ከፍተኛ ጥረት ይደረግ ነበር ይላሉ ጸሃፍት። ይህ መሆኑ ነዉ እንግዲህ የባንዳነት መሠረቱ።

አስካሪም ይበለዉ ባንዳ ወይም ባሺ ቡዙቅ የቅጥረኛ ጥርቅም ጊዜዉ ይዘግይ እንጂ ጣሊያንን ከዉድቀት ሊያድነው አልቻለም እና ጣልያን ከመሸነፍ አልዳነም።እንዳልሆነም ሆኖ ወደመጣበት ተመልሶአል ። ጥሎት የሄደዉ ጠባሳ ግን ይሀዉ አንድ ምዕተ ዓመት ሙሉ እያመሰን እያተራመሰን እና ህልዉናቺንንም እየተፈታተነን ነዉ።

ይህ ወገንን በወገን ላይ ማነሳሳት እና እርስ በእርስ ማናከስ ስልጣንን ለማስፋፋት እና የሥልጣን እድሜንም ለማራዘም ተመራጭ መንገድ ሆኖ በመገኘቱ ከጣሊያን መባረር በኋላ በተከታታይ የተነሱ መንግሥታትም ይሁን ብለዉ ተቀብለዉ በሥራ ላይ አዉለዉታል።

የፊዉዳሉ ሥረአት ቁንጮ የነበሩት ንጉስ ወደ መንበረ ሥልጣናቸዉ ሲመለሱና መንግሥታቸዉን ሲያዋቅሩ ቅድሚያ የሰጡት ለጣልያን አገልጋይ ባንዶች ሲሆን ጣሊያንን አስጨንቀዉ ላባረሩ አርበኞች ግን መጨረሻቸዉ ስቅላት ግዞትና እንግልት እንደነበር ከታርክ ብቻ ሳይሆን ከኣይን ምስክሮች የምነሰማዉ ሃቅ ነው።
መንግሥታቸዉንም ካዋቀሩ በኋላ ቢሆን የንጉሱ የትኩረት አቅጣጫ አድርገዉ የወሰዱት ህዝብን ረግጦ መያዝ ነበርና ጀሮ ጠቢ በሚል የሥለላ መረብ በመዘርጋት ለሀገሩ እና ለወገኑ የሚያስብ ዜጋ እድሜ እንዳይኖረዉ የተቻለዉ ሁሉ ሲደረግ ቆይቶአል።

ከዚህም ባሻገር ለጣሊያን ለማደር የመጀመሪያዉን ደረጃ ለያዘዉ ለሰሜኑ ክፍል ቅድሚያ በመስጠት በትምህርት በልማት እና በመሳሰሉት ጥቅማ ጥቅሞች የአገር ሀብት ያላግባብ እንዲባክን አድርጎአል የፊዉዳሉ ሥረኣት።

የህረተሰብ የንቃተ ህሊና ዕድገት እና ለዉጥ ፈላጊነት የታሪክ ሂደት ነዉ ። በመሆኑም የብሶት መጠራቀም የፊዉዳሉ ሥረአት ከነግሳንግሱ እንዲገረሰስ አድርጎታል።
በፊዉዳሉ ሥረዓት እግር የተተካዉ ወታደራዊዉ ሥረኣትም ቢሆን የመጀመሪያ ዓላማዉ አድርጎ የተነሳዉ የሥልጣኑን መሠረት ማደላደል ነበር እና ይህንንም ለማድረግ ይሆኑኛል የሚላቸዉን የህብረተስብ ክፍሎች ከጎኑ ለማሰለፍ ጊዜ አልወሰደበትም። ለደርግ ያደሩ ምሁራንም የአቅማቸዉን ሞከሩ በህዝብ ግድያ ላይ የተሰማሩ ነፈሰ ገዳዮችም እጃቸዉ በደም ቢጨቀይም የህዝብ እምቢተኝነት እያደገ በመምጣቱ ሥልጣን ማደላደሉ ለደርግ አልጋ በአልጋ አልሆነም።ትግሉም ቀላል የማይባል የትዉልድ ጥፋት አስከትሎአል። በወታደርዊ መንግሥትና በለዉጥ ፈላጊዉ ኢትዮጵያዊ መካከል በተደርገዉ ፍትጊያ አንድ ትዉልድ አለቀ። የዚህ ፍትጊያ ጠባሳ ዛሬ አገራችን በአስካሪስ ዉላጆች እጅ ወድቃ እንዳልሆነች እንድትሆን እና ህዝቧም አዉራዉን እንድተነጠቀ ንብ ባዝኖ እንዲቀር ለማድረግ የራሱ አስተዋጸኦ አድርጎአል።
የፊዉዳሉ ሥረኣትም ሆነ የወታደራዊዉ ሥረኣት እንደነበሩበት የዕድገት ደረጃና የህብረተሰቡ የንቃተ ህሊና ደረጃ የጭቆናዉ ደረጃ ቢለያይም በጠንካራ ጎን በኩል አንድ የሚያደርጋቸዉ ዓቢይ ጉዳይ እንደነበር ግን አሌ የማይባል ሃቅ ነዉ ። በአገር እንድነት እና በብሄራዊ ስሜት በኩል በማይናወጥ መሠረት ላይ የተመሠረተ ዕምነት ነበራቸዉ።የኢትዮጵያንም ህዝብ በእኩልነት የማየት ባህሪ ነበራቸዉ። ህዝብ ከህዝብ የሚስማማበትን እንጂ ህዝብ ከህዝብ የሚናቆርበትን መንገድ ሲያሰሉ ዉለዉ አያድሩም ነበር። የፖለቲካ እንጂ ሁለቱም ሥረኣቶች የዘር ጠላት አልነበራቸዉም።

ለትግራይ መገንጥልና የዮሃንስን ሥርዎ መንግስት ለማስመለስ ወደ ጫካ የገቡት የዛሬዎችቹ የኢትዮጵያ ገዢዎች በለስ ቀንቶአቸዉ ሠፊዋን ኢትዮጵያ ለመቆጣጠር ቻሉ።የኢትዮጵያ ህዝብ የደርግን አስከፊነት አሻግሮ ሲያይ በሩን ለነዚህ ማሺንኮች ወለል አድርጎ ከፈተላቸዉ።እነሱም እግራቸዉን ካስገቡ በኋላ መሠሪ ተግባራቸዉን ቀጠሉበት።

በጣሊያን የተጀመረዉን በዘር የመከፋፈል ተንኮል እና በፊዉዳሉ ሥረአት እና በወታደራዊዉ አገዛዝ የነበረዉን አገልጋይን የማብዛት ዘይቤ አሻሽለዉ ቀጠሉበት። የፊዉዳሉ ሥረኣትም ሆነ ደረግ ባንዳን የሚመለምሉት በግልሰብ ደረጃ ነበር። እነዚህ ዘረኞች ግን ድርጅታዊ መልክ ሰጡት። በዚህም የአገሪቱን ህዝቦች በዘር ከፋፈሏቸዉ ። ባንዳነትንም አስከፊ ገጽታ አላበሱት።

አናሳዎች ናቸዉ። አገር የመምራት ራዕይ የላቸዉም። እዉቀቱም ያንሳቸዋል። ህዝብን እያጠፉ እንጂ እያለሙ የመምጣቱ ልምዱ የላቸዉም። በመሆኑም ኢትዮጵያን እየገዛን እንቀጥላለን የሚለዉ ድፍረቱ የላቸዉም። መጀመሪያዉንም ሳያስቡትና ሳያልሙት የመጣ ወርቃማ አጋጣሚ በመሆኑ እንጂ !! ከዚህም የተለየ ሊያደርጉ አይችሉም።

የሥልጣናቸዉም መቆናጠጫ የመጀመሪያዉ አድርገዉ የወሰዱት ድርጅታዊ መልክ ያለዉ የባንዳ መልመላ ነበር ። ለዚህም ነው ከጦር ምርኮኞች ዉስጥ እምነት ያሳደሩባቸዉን እና ወዶ ገብ የኢህአፓ አባላትን በማሰባሰብ መድረሻዉን እና ዓላማዉን ያላዎቁትን ኢህድንን እንደ አገራዊ ድርጅት ኦህዴድን ለኦሮም ህዝብ በኋላም ደህዴንን ለደቡብ ህዝቦች ጠፍጥፎ በመሥራት ለሥልጣን መቆናጠጫ መንገዳቸዉን አመቻቹ። ዘረኞቹ አራት ኪሎን ሲቆጣጠሩ ዛሬ ያሉበት የማይታወቅ ያኔ ግን እንደ አሸን ፈልተዉ የነበሩት እኛም ተበድለናል ባይ ግለሰቦችና ድርጅቶች ከዘረኞች ጎን ተሰለፉ

በዚህም አናሳዎቹ የልብ ልብ ተሰማቸዉና ጫካ ዉስጥ የጻፉትን ታሪክ መምዘዝ ጀመሩ የኢትዮጵያም ታሪክ መቶ ዓመት ብቻ እንደሆነ ተለፈፈ።ምኒልክ ትምህርት ቤትም ሆነ መንገድ ያሠራ የነበረዉ ለወረራዉ እንዲያምቸዉ እንጂ ለኦሮም ህዝብ መማሰብ አልነበረም የሚለዉ ሠበካ በደደቢት ካድሪዎች ብቻ ሳይሆን ለዚሁ ተግባር በጥንቃቄ በተመለመሉ ባንዳዎች እንዲስተጋባ ተደረገ ።… እና ሠገራ እያደር ይገማል ፤ ትግሬና ቆርቆሮ ሳይነኩት ይጮሃል እየተባልክ ኖረሃል ዛሬ ጊዜዉ ያንተ ነዉ የሚሉት እና የመሣሰሉት ህዝብን ከህዝብ የሚያጫርሱ አደገኛ ቅስቀሳዎች በአዳራሽ ዉስጥ ስብሰባ መስበክ ተጀመረ ። በርግጥ ግን ለዚህ መርዘኛ ቅስቀሳ ሰለባ የሆነ የህብረተሰብ ቁጥር ምን ያህል እንደሆነ ጊዜ የሚፈታዉ እንቆቅልሽ ሆኖ ይቆያል ።

ዋናዉ የዚህ ጽሁፍ ትኩረት የትግራይ ዘረኞች ቢቻል ኢትዮጵያን እስከ ወዲያኛዉ በመግዛት ካልሆነም የአገሪቱን ሃብቷን በመዝረፍና ህዝቧን በማጎሳቆል ኢትዮጵያ የምትባል አገር ደግማ እንዳታንሰራራ ማድረግ ባንጻሩ ግን በሃብት የበለጸገች ፤ በፋብሪካ ላይ ፋብሪካ የገነባች የምእራብ እና ደቡብ ምእራብ ኢትዮጵያን ያጠቃለለች ለም እና ታላቋን ትግራይ መመሥረት መሆኑ ባለፉት 25 ዓመታት ያከናዎኑት እና አሁንም እየገፉበት ያለዉ ተግባር መሆኑ ጸሃይ የሞቀዉ ሀቅ ሆኖ ሳለ በታሪክ ሠሪነቱ ከማንኛዉም በኢትዮጵያ ዉስጥ ከሚኖር የህረተሰብ ክፍሎች የበለጠ እንጂ ያነሰ ድርሻ የሌለዉ መሆኑ የሚታወቀዉ ፤ በጸረ ኮሎኒያል ተጋድሎ ከማንም የበለጠ ተጋድሎ መስዋዕትነት የከፈለ ህዝብና ዕዉነትኛ ማንነቱን እና የአገር ባለቤትነቱን ሃቅ ለማስጨበጥ የምሁራን ችግር አለበት ተብሎ የማይታማዉ የኦሮሞ ህዝብ እንዴት ለነዚህ መሠረተ ባንዳዎች ጠባብ ፕሮፓጋንዳ ሠለባ ሊሆን ቻለ ?

የኦሮሞ ህዝብ በጦር ሜዳ ምርኮኞች ለተመሠረቱዉ ኦህዴድ ብዙም ቁብ እንዳልሠጠዉ በኣንጻሩ ግን ዕምነቱም ተስፋዉም የኦሮሞ ነጻነት ግምባር እንደነበር ሌላዉ ቀርቶ ራሳቸዉ የወቅቱ የሥልጣን ባለቤት የሆኑት ዘረኞች የማይክዱት ሀቅ ነዉ።

የኦሮሞ ነጻነት ግምባር ምሁራን መጀመሪያ ላይ ከወያኔ ጋር መጎዳኘታቸዉ ይሁን እሺ መሰላቸዉ እንበል ። ከሻቢያም ሆነ ከወያኔ መሪዎች ጋር በነበራቸዉ ወዳጅነትና በቋመጡለት የሥልጣን ፍላጎት ያልሆነዉን ሆነ ብለዉ ተቀበሉት እንበል። ወያኔም ሆነ ሻቢያ በስልጣን ላይ ናቸዉ። የኦሮሞ ፖለቲከኞች ግን ዛሬ እንኳን አገር ሊመሩና ህዝብ ሊያስተዳድሩ ይቅርና ለራሳቸዉም መሆን ቸግⶂቸዉ ሰባት ቦታ ተበታትነዉ ለገላጋይ ባስቸገሩበት ደረጃ ላይ ደርሰዋል።ወድቀት ኣዲስ ነገር አይደለም ክፋቱ ከዉድቀት ተምሮ መነሳት አለመቻል እንጂ።

ይህን ስል የኦሮሞ ምሁራንን ለማስቀየም በማሰብ እንዳልሆነ ይታወቅልኝ ይህን ጀግና ህዝብ ከታሪክና ከሀገር ባለቤትለቱ ለመነጠል የተኼደዉ እቀት እያሳዘነኝ እንጂ !!
በእርግጥ ለሩብ መዕተ ዓመት ያህል በአገር ላይ በደል በህዝብ ላይም ሞልቶ እየፈሰሰ ያለ ግፍ ተፈጽሞአል። ህዝብ ማንነቱን ካጣ ቆየ ሃብቱም ተመዘበረ በእነዚህ በልተዉ በማይጠግቡ አግኝተዉ በማይረኩ አሸንፈዉ በማያዉቁ ህዝብን በማዋረድ ብቻ በሥልጣን ላይ እንቆያለን ብለዉ አልመዉ እየተንቀሳቀሱ ባሉ ጉዶች በዓለም ላይ ያልታዩ አገራዊ በደሎች እየተፈጸሙ ነው። እያወቁም ይሁን ሳያዉቁ የኦሮሞ ፖለቲከኞች ለዚህ ሁሉ ግፍ አስተዋጸኦ አድርገዋል።
ቢዘገይም አሁን ግን ወደ ሃቅ መመለሻዉ ላይ ያለን ይመስለኛል እነዚህ ጉዶች በቃችሁ የሚባሉበት ወቅት ላይ ደርሰናል የማይናወጥ የህዝብ አቋም!!

አንድ አንድ ብልጣ ብልጥ የኦሮሙ ምሁራን ታሪኩን በማዛባት በሃቁ ላይ ሳይሆን በእነሱ ፍላጎት ላይ የተመሠረተ ታሪክ ለመጻፍ እንደሞከሩት ሳይሆን የኦሮሞ ህዝብ በዛሬይቱ እትዮጵያ ምሥረታ ላይ የጎላ አስተዋጸኦ አድርጎአል። ለኢትዮጵያ ነጻነት ከማንም በላይ ተጋድሎ ያደረገ ደሙንም ያፈሰሰ ጀግና ህዝብ ነዉ።

ባለቤት አለው።

እንዴት?

እንማን?

የትኛውም መንግስት ከስልጣን ለማውረድ ሁለት መንገዶች አሉ።አንደኛው በታጠቀ ሀይል እየተመራ የራሱ ወታደር ፣የጦርነት ስልት ያለው ፣አለቃ እና ምንዝር የሚጨንር ያልው ትግል ነው።ሁለተኛው መሪ የሌው ባለቤት ህዝባው ትግል ነው።ሁለቱም የተለያዩ ባህሪያት አላቸው።በመጀመሪያው ማለትም ታጥቀው እና ተደራጅተው ስልጣን የያዙት እንደ ደርግ እና ኢህአዴግ ያሉት ናቸው።በሁለተኛው ስልት በኢትዮጵያ ታሪክ ተሞክሮ ያልተሳካው ህዝባዊ ነው።ህዝባው ትግል ባለቤቶ እንደ ህውሃት ፣እንደ ደርግ ያሉ መሪዎች እና ድርጅቶች አይፈልግም።ትግሉ የተጨቆኑ ፣ፍትህ ያጡ ፣እኩልነት እና ዲሞክራሲ የጠማች  ህዝቦች የሚያካሂዱት ነው።

ዛሬም ኦሮሚያ እና አማራ ያነሳው ትግል ህዝባው ነው።ከሁለቱ ህዝቦች ጀርባ ማንም አይንቀሳቀስም።ከጀርባቸው ግን አንድ ትልቅ ሃይል አለ ህዝብ።ማንንም የማይፈራ ፣ለሀገሩ የሚሞት እና እሳት ትውልድ።ለዚህም ነው የዛሬው ትግል ባለቤቱ ማን የሚለው ለመለየት ያወዛገበን።ኢህአዴግ ባለቤት የሌለው ትግል ነው ይላል።አንዳንዴም አንዳንድ ሃይሎች የሚሉ ምክንያቶች ይሰማል።ለኢህአዴግ ግልፅ ሊሆንለት የሚገባው ይሄ ትግል በግንቦት ሃያ ወይም በኦነግ የሚመራ ቢሆን ኖሮ ለምን ህዝቡን አያግዙትም ነበር።ሄደው ሄደው ካሸነፉ ስልጣኑ የእነሱ ሰለሆነ ለምን ዝም አሉ።ግንቦት ሰባትም ሆነ ኦነግ ይህን ያህል መጠነ ሰፊ የህዝብ እንቢተኝነት አግኝተው ለምን ሊጠቀሙበት አልፈለጉም?ከኢህአዴግ ጋር የሚመጣጠን መሳሪያ እና ተዋጊ ባይኖራቸው ከሚሊየን መሳሪያ ፣ከሚሊየን ወታደር የሚበልጥ ህዝብ በቀላሉ አግኝተው እነዚያ በሳል ታጋዮች እንዴት ሊያሳልፍት ወደዱ?።መልስ አንድ ብቻ ሰለሆነ ነው በኦሮሚያ የኦነግ ፋላጎት ሳይሆን ፍትህ ነው ።በአማራ ግንቦት ሰባት ሳይሆን ብሄራዊ ጭቆና ነው።እዚህ ታጋዩ ህዝብ፤ባለቤቱ ህዝብ፤የሚሰማው ህዝብ ፤ አሸናፊው ህዝብ ይሆናል።የማይካደው በኦሮሚያ ከኦፒዲዮ የበለጠ ሌላ ባንድራ ያየነው የመገንጠል ሳትሆን የኦፒዲዮ ግፍ ሰለሂነ ሲሆን በአማራ ያየነው ባንድራ ሀገራዊ ሰሜት እንጂ ሌላ ትርጉም የለው።ለዚህ የሚመሰለው ደግሞ ህዝብ ያውቃል።

ህዝብ ላይ ጥይት ተኩሶ ያሸነፈ የለም።ይህ የቅርቡ የሰሜን አፍሪካን አመፅ እና ማዕበል አሳይቶናል።በቱኒዚያ ለ23 አመታት ሀገሪቱን ሲበዘብዙ የነበረው ፕሬዘዳን የጣለው ህዝብ ሲሆን አብዮቱን ያቀጣጠለው አንድ ወጣት ነው።ቱኒዚያዊው መሀመድ ቦአዚዝ ድግሪ ይዞ ስራ አጥ ሆነ።እንደ ምንም ብሎ ተበዳድሮ የፍራፍሬ ነገዴ ሆኖ ኑሮ ካሉት መቃብር ይሞቃል ብሎ ኑሮን ጀመረ።ከእለታት በአንዱ ቀን ግን የአብባገነኑ መንግስት የሆነ ወታደር ቦአዚዝን ከሚሰራበት ጎዳና አስነስቶት ፍራፍሬው በተነበት።አሁን ተሰፋ አለቀ።ቢአዚዝ እራሱን የከተማው መስተዳድር ፊት ለፊት ቆሞ ፍትህ በሌለበት ሀገር አልኖርም ብሎ እራሱን በጋዜዝ አቃጥሎ ተሰዋ።ቱኑዚያዎች ያለአንዳች የታጠቀ አይል ብሶታች  ገለፁ።አንባገነኑ መንግስት ገለበጡት።ይህ ህዝባው ትግል ነው።አንዱ ቦአዚዝ ሚሊዮኖች ተከተሉት።

በሊቢያ ፣ግብፅ ፣ ሱዳን እና አልጄሪያም ብዙ ቦአዚዞች መጡ።መንግስት በህዝብ ተረታ።ህዝብ ማለት እንዲ ነው።የመጨረሻው ቀን እስኪመጣ ይታገሳል።ትግስቱ ካለቀ ይጋረፋል።ህዝባው አመፅ ሲነሳ ብዙ ብሶቶች ሰላሉ ቀደም በህዝቡ ልብ ሰላለ ትንሽ ጋዝ በቂ ነው ለመቀጣጠል።ቱኒዚያ አንባገነኑን መሪ የደመሰሰችው ቦአዚዝ ብቻ ሰለሆነ አይደል በህዝቡ ዘንድ የሚታይ እውነታ ፣ጭቆናው ፣ግፍ ሰላለም ጭምር ነው።ዛሬም ለኦሮሚያ እና የአማራ ህዝብ ሲነሳ የትላንት ሰቃዮች ከጀርባው አለ።ቱኒዚያ ለቦአዚዝ ሲነሳ አማራ በወልቃይት መነሳቱ አይቀርም ጊዜ ይጠይቃል እንጂ።በኢኮኖሚ እና በስልጣን ክፍፍል የተጎዳው ኦሮሞ ይባስ ብሎ መሬቱን ሲቀማ ልክ እንድ ቦአዚዝ ያለ አብዮት ይፈጥራል።የቱኒዚያ ሆነ ግብፅ አብዮት ባለቤቱ ህዝብ ነው።ጀማሪውም ህዝብ ነበር።ዛሬም የተወሰኑ የታጠቁ ድርጅቶች ፍላጎት ሊኖራችው ይችላል ኢህአዴግን ለመጣል ያ ጊዜ ግን ዛሬ የእነሱ አይደለም ።

ዛሬ አማራ አና ኦሮሚያ የምናያቸው ህዝባዊ እንቢተኝነት  በባዶ እጅ ስርዓቱ በቃኝ ነው።የታጠቀ ሳይሆን የህዝብ ጊዜ።ዛሬም ለኢህአደግ አልረፈደም እና ይህን አሰብበት።አንድ ሰው ስትገድል እናት እና አባቱ ፣የማቱ ቤተሰቦች ፣ጓደኞቹ እና የሰፈሩ ሰዎች ልብ ውስጥ ጥላቻ እና ቁጭት ትፈጥራለህ።ህዝብ ላይ በተኮስከው እጅህ ህዝብ ይበላሀል።ዛሬ የአንተ ቢመስል መንግሰት ይነግሳል ይወርዳል ህዝብ ይኖራል።የሰሞኑን የንፁሃን እልቂት ያዊእና ጭፍጨፋ መላው ኢትዮጵያዊ ከተማሪዎች ሞት ፣ ከ77 ድርቅ ፣ከደርግ ጭፍጨፋ ፣ከ97  ጭፍጫፋ ካጣናቸው የበለጠ ቂም እና ክፋት አለው።ለምን ካልከኝ ይሄ የዘር ጭፍጨፋ ጋር ተመሳሳይ ነውና።ግን ግን ኢህአዴግ ሆይ ትግራይ  ይህን አመፅ ትግራይ ቢሆን እንዲ ትጨፈጭፍ ነበር?

ትግራይ ሳይሆን፡ ትግሬ ጠቅላይ-

ግዛት የሚባለው ግን በአጼ ምንሊክ የተካለለ ነው። “ትግራይ” እሚለው ታድያ እንዴት መጣ? የየትኛው አካባቢ መጠርያነበር? የሚለውን ጥያቄ ለመመለስ፡ ብዙ ሰው (ወጣት የትግሬ ክፍለሃገር ተወላጅ ጭምር)የማያቀውን ሃቅ እንደሚከተለው እጠቅሳለሁኝ።

ኤርትራ እሚባል እንዳልነበረ ሁሉ፡ ትግሬ ጠቅላይ ግዛት እሚባልም አልነበረም። ከፍ ብሎ እንደተጠቀሰው፡ በአጼ ምንሊክ ግዜ ነው በጠቅላይ ግዛትነትየተዋቀረው።  ልብ በሉ፡ ትግሬ እንጂ ትግራይ አላልኩም። ትግሬ ጠቅላይ ግዛት የሚለው አጠራር እስከ ቅርብ ጊዜ ድረስ(በአጼ ኅይለሥላሴም በደርግም ጊዜ)የነበረ አጠራር ነው።

ትግራይ የሚለው አጠራር ታድያ መⶬ ነው የታወቀው? መልሱ በ1928 ወረራ አካባቢ፡በጣልያንና በእንግሊዝ የሚል ይሆናል፡ ከዛ በፊትና በሃላ ትግራይየሚለው ቃል የየትኛው አካባቢ መጠርያ ነበር?

ትግራይ ማለት ብዙ ባላባቶⶭ ያልነበሩበት አካባቢ፡ ከተለያዩ አካባቢዎች(ከኤርትራ፡ ከተቀረው የትግሬ አውራጃዎⶭ) ለከብቶቻቸው ሳር ፍለጋ፡ ወይምበሽፍትነት ሄደው እዛው የቀሩ ሰዎች የሰፈሩበት፡አሁን በትግሬ ክፍለ-ሃገር ሽሬ እና አካባቢው የሚገኘው፤ በሰሜን እስከ ኤርትራ ድንበር፡ በምአራብ እስከ ተከዜወንዝ ያለው ቦታ ነው። አንዳንዴ ሰዎⶭ ዓድዋንም ይጨምራል ይላሉ።  በአሁኑ አጠራር፡ ሰሜናዊ ምአራብ እየተባለ እሚጠራው አካባቢ ብⶫ ነበር ትግራይተብሎ እስከ ቅርብ ጊዜ ድረስ ሲጠራ የነበረው። ለምሳሌ ያክል ለመጥቀስ፡ አንድ የተንቤን ተወላጅ፡ያኔ፡ ከተንቤን ወደ ሰሜን አቅጣጫ ለመሄድ ሲነሳ፡ የት ነውእምትሄድው ተብሎ ቢጠየቅ፡ መልሱ (ናብ ትግራይ ኢየ) ወደ ትግራይ ነው እምሄደው የሚል ይሆናል። ተንቤኖⶭ ትግራይ ሲሉ፡ ቀደም ብዬ የጠከስኩትንአከባቢን ነበር እሚያቁት። በዓጋሜ በኩል ቢሆንም ተመሳሳይ ነው። የዓጋሜ ነዋሪዎⶭ ትግራይ ሲሉ፡ ከዓጋሜ በስተ መእራብ ሲሄዱ የሚገኙትን፡ ቀደም ብዬየጠከስኩውⶨውን ቦታዎⶭ ማለታⶨው ነበር። ይሄ እንግዲህ ጸህፊው በሚያቀው፡ በኢትዮጵያ አቆጣጠር እስከ 70ⶩ ድረስ የነበረ ነው። ምሳሌ ልጥቀስ፡ የደርግእድገት በህብረት ዘመⶫ በተጀመረበት ወቅት ነው። በትግሬ ጠቅላይ ግዛት ተመድበው ሲሰሩ የነበሩ የዘማⶮⶭ ሃላፊዎⶭ፡ ከዓዲ ግራት ተነስተው፡ በላንድሮቨራቸው ፡ወደ ሽሬ በሚያመሩበት ጊዜ ብዘት እምትባል ትንሽ ከተማ ይደርሳሉ። ብዘት እንደደረሱ፡ አንድ መንገደኛ ወደ እነሱ ጠጋ ይልና፡ አፈናጥጡኝሲል ይጠይቃቸዋል። እነሱም፡ ወድየት ነው እምትሄደው ብለው ቢጠይኩት ወደ ትግራይ ሲል መለሰላቸው። ትግራይ ያለው ሽሬ አካባቢ ማለቱ ነበር።

እንግዲህ የህዝቡ ስሜትና ኩራት በአውራጃ የተመሰረተ  ሲሆን፡ ከፍ ሲል ደግሞ በኢትዮጽያዊነቱ የሚኮራ ነበር። አሁንም ቢሆን፡ አውራጃዊ ስሜት ትግራይከሚለው ስሜት ያይላል። በኤርትራም እንደዚያው ነው። የትግራይ እና የኤርትራ ዘመናዮⶭ ከፈረንጆⶭ የሰነቁትን የጥላⶭ ፍሬ፡ ከበረሃ ምሽጋⶨው ሆነው እየዘሩኤርትራንና ትግራይ አሚለውን ማንነት ለመፍጠር ብዙ ተጉዘዋል። በዚ አንጻር ሲታይ፡ የመሃል አገር ሰው አውራጃነትን ከተወ ዘመናት አልፈዋል። አነሰ ቢባልበጎንደር፡ጎጃም፡ወሎ እና ሽዋ ነው እሚያስበው፡ ያም ቢሆን በጣም የደበዘዘ ነው። አብዛኛው የነዚህ ጠቅላይ ግዛቶⶭ ህዝብ በኢትዮጽያዊነቱ ይቆረቆራል። ይሄከፍተኛ የእድገት ልዩነት ነው። ለዚህም ነበር፡ ወራሪዎⶭ፡ ይህንን የኢትዮጽያ ክፍልንና የኦርቶዶክስ ሃይማኖትን ለይተው ሲዘምቱባⶨው የነበረውና፡ አሁንምበተወካዮⶫⶨው በኩል ያንን የሚያደርጉት።  ትምክህተኛ እያሉ የሚጠሩት፡ ከነሱ ልቆ ስለሄደ ነው። እነሱ በአውራጃ በሚያስቡበት ጊዜ፡ የጠቀስኩዋⶨው የመሃልአገር ሰዎⶭ ኢትዮጽያዊነትን ያራምዱ ነበር። ትምክህቱ እንግዲህ ላቅ ብለው ማሰባⶨው ነው።በህብረተሰብ እድገት ደረጃ -ቤተሰብ፡ዘመድ፡ መንደር፡ወረዳ…ወዘተ…- እያልን በምንመዝንበት ጊዜ፡ ላቅ ብሎ እምናገኘው ኢትዮጽያዊ የመሃል አገሩ ነው። ለዛም ነው፡ በኢትዮጽያዊነቱ እማያመነታው።

ጣልያን፡ ኤርትራን ሲለቅ፡ ኤርትራዊነት የሚለውን ስሜት ለመፍጠር ቢሞክርም፡ ቢዙም ሳይሳካለት ነው አገሩን ለቆ የሄደው። የኤርትራን የማንነት ስሜትመፍጠር ያልቻለው ጣልያን፡ ትግራይ የሚለውንም መፍጠር አልቻለም፡ አንዳንድ የሰሜን ባላባቶⶭን ከማማለሉ በስተቀር። ጣልያንን ተከትሎ የመጣውእንግሊዝ ግን የዋዛ አልነበረምና፡ በደንብ ነው የሰራበት። ከዓድዋ በፕሮተስታንት እምነታⶨው ምክንያት በድንጋይ ተወግረው የተባረሩት አቶ ወልደማርያም፡ ወደኤርትራ ሄዱና ከአንድ የሰራየ ሴት ወልደአብ የሚባል ልጅ ወለዱ፡ ብሁዋላ አቶ ወለደአብ ወልደማርያም የተባሉት፡ፕሮቶስታንቱ፡ የኤርትራው ብሄረተኛመሆናⶨው ነው። ያኔ ነው፡ በእንግሊዝ መንግስት የትግራይ ትግርኚ የሚለውን ሃገር የመከፋፈል ደባ፡ ከኦጋዴን ፕሮጀክቱ ጋር አዳብሎ የገፋበት። ይሄ እንግዲህበ1930ዎⶩ (በአውሮጻውያኑ 1940ዎⶩ)መሆኑ ነው። በዛን ጊዜ በኤርትራ የተወለዱ ሰዎⶭ አሁን የ80 ዓመት እድሜ ባለጸጎⶭ ናⶨው። እነዚህ ናⶨውእንግዲህ፡ ያ በልጅነታⶭው የተለከፉበት መርዝ አለቅ ብሎአⶨው ለሺዎⶭ አመታት አንድ ሆኖ የኖረውን ህዝብ በዘረኝነት ሲያተራምሱት እሚታዩት። ለነገሩ፡ክአድዋ የሚወለዱት የስብሃት ነጋ ዘመዶⶭ ትውልዳⶨው ከእንግሊዝ ይመዘዛል። 5 ትውልድም አይደርስም፡ ዋአሮ የወለደⶫⶨው ፡የአገር ጎብኚው ማንስፊልድልጆⶭ ናⶨው። ለገሰ ዜናዊ የአበባው የልጅ ልጅ ነው፡ ጎጃሜ። አበባው-ነጋድራስ ተሰማ – አስረስ- ዜናዊ:፤ ይገርማል! መለስ ዘሩ ጠፋበትና፡ ወንድም ከወንድምሲያጋድል ሴኦል ገባ። ወይ ጉድ።

ዘርኡ መሃሪ

ባሳለፍነው ሳምንት በተለያዩ የሀገሪቱ ክፍሎች ተቃውሞ ሰልፍ በወጡ ዜጎች ላይ በመንግስት የፀጥታ ኃይሎች የተወሰደው እርምጃ ከማሳሰብ አልፎ በጣም አስጨንቆኝ ነበር። እንደ ሀገርና ሕዝብ ሕልውናችን አደጋ ላይ እየወደቀ እንደሆነ ተሰምቶኛል። በአካል ሆነ በስልክ ያገኘኋቸውን ሰዎች ስጠይቅ የነበረው፤ “ሰላማዊ ሰልፍ ስለወጣን ለምን ይገድሉናል?” እና “ለምንድነው የመንግስት ባለስልጣናት የህዝቡን ጥያቄ የማይሰሙት?” የሚሉትን ነበር። ጥያቄዎቹ እንዳስጨነቁኝ አልቀሩም፣ መልስ አገኘሁላቸው። የመጀመሪያው፣ የራሱን ዝርያ በጭካኔ የሚገድለው ብቸኛ እንስሳ “ሰው” ስለሆነ ነው። ሁለተኛው፣ በሀገራችን እየታየ ያለው የህዝብ ተቃውሞ ሳይሆን የትውልድ ግጭት ስለሆነ ነው። በቅድሚያ ግን በሳምንቱ መጨረሻ ቀናት ስለነበረው ሁኔታ የተወሰነ ዳሰሳ በማድረግ ወደ ዝርዝሩ ልግባ።

ሐምሌ 30/2008 ዓ.ም እስኪደርስ በጣም ጓጉቼ ነበር። በዕለቱ ሊደረግ ስለታቀደው ሰላማዊ ሰልፍ የመሣተፍ ጉጉት ኖሮኝ አይደለም። የእና ዋና ትኩረት ሁኔታውን በንቃት በመከታተል፤ ያየሁትን፣ የሰማሁትንና የታዘብኩትን እውነት ለብዙሃን ማካፈል ነው። እናም እንዳይደርስ የለምና ቀኑ ደረሰ። ከጠዋቱ 12፡00 ሰዓት ከቤት ወጥቼ ሁኔታዎችን መታዘብ ጀመርኩ። የዝናቡ ካፊያ እና የሚነፍሰው ቀዝቃዛ ንፋስ እንኳን ሰላማዊ ሰልፍ ከቤት መውጣት አያስመኝም። እስከ ጠዋቱ 3፡00 ሰዓት ድረስ የአየሩ ሁኔታ አልተቀየረም ነበር። የነዋሪዎቹ እንቅስቃሴ ግን ቀስ-በቀስ እየተቀየረ እንደመጣ መገንዘብ ይቻላል።

በሰላማዊ ሰልፉ ለመሳተፍ ወጣቶች ሁለትና ሶስት እየሆኑ ከየአቅጣጫው ወደ መሃል ከተማ መምጣት ጀመሩ። ከከተማዋ ዳርቻ ሰፈሮች የሚመጡት በአብዛኛው ወጣቶች ናቸው። መሃል ከተማ ደግሞ ግማሹ ህፃናት ናቸው። ከሞላ-ጎደል ሁሉም ተሳታፊዎች ከ35 ዓመት በታች የሆኑ ወጣቶችና ህፃናት ናቸው። አብዛኞቹ ከ35 ዓመት በላይ የሆናቸው ጎለማሶች፣ አዛውንቶችና ሽማግሌዎች ዳር ቆመው ከመመልከት ባለፈ በሰላማዊ ሰልፉ አይሳተፉም። ምክንየቱም፣ ልክ አንደ አብዛኞቹ የሀገሪቱ አከባቢዎች፣ በወሊሶም እየታየ ያለው የሕዝብ ተቃውሞ ሳይሆን የትውልድ ግጭት ነው። ላለፉት ስምንት ወራት በመቶዎች የሚቆጠሩ ወጣቶች ተገድለዋል፣ በብዙ ሺህዎች ደግሞ ታስረዋል፥ ተደብድበዋል። ባሳለፍነው ሳምንት ከወሊሶ በተጨማሪ፣ በነቀምት፣ ሻሸመኔ፣ ሳጉሬ፣ ባህር ዳር፣ ጎንደር፣ አዲስ አበባ፣ …ወዘተ የሆነው ይሄው ነው። ይሄ ደግሞ ልክ እንደ ትላንቱ ነገም ይቀጥላል።

አዎ… ያለ ምንም ጥርጥር የ1960ዎቹ እና የ1990ዎቹ ትውልዶች ተጋጭተዋል። ስለዚህ፣ እዚህ ጋር ቆም ብለን በሰከነ አዕምሮ ማሰብና መጠየቅ ያስፈልጋል። በወላጆች እና በልጆች መካከል ልዩነት ተፈጥሯል፥ ተለያይተዋል። በልዩነት ፀብ ተፈጥሯል። ልጆች አምፀዋል፣ ወላጆች ተቆጥተዋል። የዘመኑ ልጆች ሲቆጧቸው አይፈሩም፣ ሲገርፏቸው አይተውም፣ ቢያስሯቸውም አይቆሙም። ይሄው በሁለቱ ትውልዶች መካከል ፀብ ከተጀመረ አመት ሊሞላው ነው። ልጆቹም ተቃውሟቸውን አላቆሙም፣ ወላጆችም ከአቋማቸው ትንሽ ፈቀቅ አላሉም። Edmund Leach የተባለው የማህበራዊ ሳይንስ ምሁር “A Runaway World”[PDF] በሚል ርዕስ በሁለት ትውልዶች መካከል ስለሚፈጠር ግጭትና ችግሩ ዙሪያ ዝርዝር ትንታኔ ሰጥቷል። ይህን ትንታኔ መሰረት በማድረግ በመግቢያዬ ላይ ለጠቀስኳቸው ጥያቄዎች ዝርዝር ትንታኔ ለመስጠት እሞክራለሁ።

ሰላማዊ ሰልፍ የወጡ ሰዎች ሲደበደቡ፣ ሲታሰሩና ሲገደሉ “ሰው በሰው ላይ እንዴት እንዲህ ይጨክናል?” የሚል ጥያቄ መነሳቱ አይቀርም። ለዚህ “Edmund Leach” የሚከተለውን ትንታኔ ይሰጣል፡-

“…we [humans] kill one another. How does this come about? …My own guess is that our propensity to murder is a back-handed consequence of our dependence on verbal communication: we use words in such a way that we come to think that men who behave in different ways are members of different species. …Because of the way our language is organised and because of the way we are educated, each of us is constantly- finding himself in a position of contest. I identify myself with a collective we which is then contrasted with some other. What we are, or what the other is, will depend upon context. If we are Englishmen, then the others are Frenchmen, or Americans, or Germans…

If we are ordinary simpleminded citizens, the other is a mysterious they, the government bureaucracy …But lying in between the remote Heavenly other and the close predictable other there is a third category which arouses quite a different kind of emotion. This is the other which is close at hand but unreliable. If anything in my immediate vicinity is out of my control, that thing becomes a source of fear. This is true of persons as well as objects. If Mr X is someone with whom I cannot communicate, then he is out of my control, and I begin to treat him as a wild animal rather than a fellow human being. He becomes a brute. His presence then generates anxiety, but his Jack of humanity releases me from all moral restraint: the triggered responses which might deter me from violence against my own kind no longer apply.” REITH LECTURES 1967: A Runaway World – Lecture 3: Ourselves and Others

በፅሁፌ መግቢያ ላይ ለመግለፅ እንደሞከርኩት፣ አሁን በኢትዮጲያ እየታየ ባለው የተቃውሞ እንቅስቃሴ ላይ ንቁ ተሳትፎ እያደረጉ ያሉት በአብዛኛው ከ35 ዓመት በታች እድሜ ያላቸው ወጣቶች ናቸው። እነዚህ ወጣቶች ራሳቸውን “እኛ” ሲሉ፣ በአብዛኛው እድሜያቸው ከ35 ዓመት በላይ የሆናቸውን የመንግስት ባለስልጣናትን ደግሞ “እነሱ” ያሏቸዋል። የተገላቢጦሽ የመንግስት ባለስልጣናቱ ራሳቸው “እኛ” ሲሉ፣ በተለያየ የሀገሪቱ ክፍል መንግስትን እየተቃወሙ ያሉትን ወጣቶችን ደግሞ “እነሱ” ይሏቸዋል። ወጣቶቹ “እኛ ሰላማዊ ሰልፍ ለማድረግ ወጣን” ሲሉ፣ መንግስት “አመፅና ብጥብጥ ለማስነሳት ወጡ” ይላቸዋል። “ሰላማዊ ነን” እያሉ “ፀረ-ሰላም” እንደሆኑ ይነገራቸዋል። ራሳቸውን “ብዙሃኑ የኢትዮጲያ ህዝብ” ሲሉ “ጥቂት የኤርትራ መንግስት ተላላኪዎች ናችሁ” ይባላሉ። ሁለቱም ወገኖች “ህዝብ” እና “ሕገ-መንግስት” ይላሉ። ነገር ግን፣ ስለአንድ ነገር እያወሩ በሃሳብ ግን ፍፁም አልተግባቡም። በዚህ መሃል፣ የሕዝንም ሰላምና ደህንነት እና ሕገ-መንግስቱን የማስከበር ግዴታ ያለባቸው ፖሊሶችና ወታደሮች፤ “የሕዝብን ሰለምና ደህንነት ለማደፍረስ እና ሕገ-መንግስቱን በኃይል ለመናድ የወጡ ናቸው” ተብለው ይላክና፣ “ሕገ-መንግስቱ ይከበር” እያለ የሚጮኸውን ሕዝብ በዱላ ይደበድባሉ፥ በጅምላ ያስራሉ፥ በጥይት ይገድላሉ።

በእርግጥ ሁላችንም ኢትዮጲያኖች ነን። ችግሩ በኢትዮጲያና በግብፅ ወይም በኤርትራ መካከል የተፈጠረ ቢሆን፣ እኛ “ኢትዮጲያኖች” እነሱ ደግሞ “ግብፃዊያን” ወይም “ኤርትራዊያን” ይሆኑ ነበር። ባለፉት ስምንት ወራት በተፈጠረው ችግር በዳይና ተበዳይ ኢትዮጲያኖች ነን። ነገር ግን፣ ሁለቱም አካላት ራሳቸውን “እኛ” እያሉ ሌሎችን “እነሱ” ይላሉ። በዚህ ዓይነት ሁኔታ ውስጥ “በሦስተኛ ክፍል” (third category) ውስጥ የተጠቀሱትን፣ በቅርብ ያሉትና የማያስተማምኑት “ሌሎች፥ እነሱን” መለየት አይቻልም። አሁን ካለው የኢትዮጲያ ነባራዊ ሁኔታ አንፃር፣ እነዚህ የቅርብ ሩቅ የሆኑ፣ አቋምና ተግባራዊ እንቅስቃሴያቸው በቀላሉ የማይታወቅና የማይገመት፣ በዙሪያቸው ላሉት የስጋትና ፍርሃት ምንጭ የሆኑት “እነሱ” እነማን ናቸው? ከዚህ በተቃራኒ፣ አመፅና ብጥብጥ በማስነሳት የሕዝቡን ሰላምና ደህንነት አደጋ ላይ ይጥላሉ፣ በስርዓቱ የተገኘውን ሰላምና ልማት ይቀለብሳሉ፣…ወዘተ በሚል እሳቤ እንቅስቃሴያቸውን በከፍተኛ ጥርጣሬና ስጋት እየተከታተሉ እርምጃ የሚወስዱትስ እነማን ናቸው? በእርግጠኝነት አንደኛው ወገን የመንግስት ባለስልጣናት ሲሆኑ ሌላኛው ደግሞ ለተቃውሞ አደባባይ የወጡት ወጣቶች ናቸው።

በፅሁፌ መግቢያ ላይ እንደገለፅኩት፣ አሁን በኢትዮጲያ እየታየ ያለው የተቃውሞ እንቅስቃሴ በመሰረቱ የሁለት ትውልዶች ግጭት ውጤት ነው። ይህ በሁለት ትውልዶች መካከል አንድን ስርዓት ለማስቀጠል ወይም ለመቀልበስ የሚደረግ ትግል እንደ እንግሊዝ ባሉ ሀገራት በ1960ዎች አከባቢ ያጋጠመ ችግር ነው።

“A Runaway World” በሚል ርዕስ Edmund Leach የሰጠው ትንታኔም በዋናነት በወቅቱ በአንግሊዝ ስለነበረው የትውልድ ግጭት ሲሆን፣ ቀጥሎ ባለው ጥቅስ ውስጥ፣ ከላይ በባለስልጣናት እና በወጣቶች መካከል “ማ…ማን ነው?” በሚል ላነሳነው ጥያቄ ግልፅ የሆነ ምላሽ ይሰጠናል።

“Tension between the generations is normal for any society; every son is a potential usurper of his father‘s throne; every parent feels under threat; but the present anxiety of British parents seems altogether out of proportion. Young people are being treated as an alien category: ‘wild beasts with whom we cannot communicate’. They are not just rebels but outright revolutionaries intent on the destruction of everything which the senior generation holds to be sacred. …

Let us be clear about this. What is odd is not the behaviour of the young but the reaction of the old. …It is because the old allow themselves to feel separated from the young that the young create anxiety. They [youths} are the involuntary heirs to a generation of incompetents. Their seniors, who still keep all the power in their own hands, have made a total mess of things. …

The whole set-up is rigged to fit the belief that, when the young grow up and come to power, they too will carry on running the show just as before. But this assumption makes co-operation impossible. If the old expect the young to participate in planning the future, then they might at least take the trouble to find out what sort of future the young would actually like to have.” [Reith Lectures 1967: A Runaway World – Lecture 3: Ourselves and Others]

አሁን ማ…ማን እንደሆነ በግልፅ መለየት ይቻላል። በሦስተኛው ክፍል ስር ያሉት አመፀኞቹ ወጣቶች የለውጥ ኃይሎች ሲሆኑ፣ የለውጥ ማነቆ ሆነው ያሉት ደግሞ የመንግስት ባለስልጣናትና ደጋፊዎቻቸው ናቸው። በግልፅ አነጋገር ይሄ በልጆች እና ወላጆች መካከል የተፈጠረ ልዩነት ነው። ባለፉት ስምንት ወራት ልዩነቱ እየሰፋ ሄዶ የትውልድ ግጭት ለመሆን በቅቷል። ከዚህ በኋላ የ1960ዎቹ እና የ1990ዎቹ ትውልዶች እርስ-በእርስ ተነጋግረው መግባባት አይችሉም። ይህ የሆነው፣ የዚህ ዘመን ትውልድ ወጣቶች የሚናገሩትን ሳያውቁ ወይም ባለስልጣናቱ የሚናገሩት ነገር ሳይገባቸው ቀርቶ አይደለም። ከዚያ ይልቅ፣ ”Edmund Leach” እንዳለው፣ የ1960ዎቹ ትውልድ አባላት የሆኑት አብዛኞቹ ባለስልጣናት ወጣቶቹ የሚናገሩት ነገር ለመረዳት ብቃትና ፍላጎት ስለሌላቸው ነው።

አሁን በኢትዮጲያ እየታየ ያለው ችግር  መንስዔ የወጣቶቹ አመፀኝነት፤ የተገነባውን የማፍረስ፥ ስርዓቱን የመቀልበስ፣ ሰላምና መረጋጋትን የማደፍረስ አባዜ ስለተጠናወታቸው ሳይሆን፣ የሚገባቸውን በመጠየቅና የማይገባውን ነገር በማስቀረት በወደፊት እድላቸው ላይ ለመወሰን ብቃትና መብት ስላላቸው የተፈጠረ ግጭት ነው። በተለይ ከቅርብ ግዜ ወዲህ መንግስት የሚወስዳቸው እርምጃዎች ትችትና ተቃውሞ እያጋጠማቸው ያለው ለዘመኑ ወጣቶች ሃሳብና አስተያየት ትኩረት ሳትሰጡ በወደፊት እድላቸው ላይ የራሳችሁን ፍላጎትና ምርጫ እየጫናችሁ ስለሆነ ነው።

በአጠቃላይ፣ ከዚህ በኋላ ሀገሪቷንና ህዝቧን በበቂ ሁኔታ ለማስተዳደር የሚያስፈልገው ብቃት እና አመለካከት የላችሁም። ምክንቱም፣ እናንተ በስልጣን ላይ ያላችሁ አብዛኞቹ የቀድሞ ትውልድ አባላት፤ ብዙ ነገር አታውቁም፣ አለማወቃችሁንም አታውቁም፣ ያላወቃችሁትን ነገርም ማወቅም አትፈልጉም። ለምሳሌ ዴሞክራሲን በንድፈ-ሃሳብ ደረጃ እንጂ በተግባር አታውቁትም። በንድፈ-ሃሳብ ላይ የተመሰረተው እውቀትና ግንዛቤ ሕገ-መንግስትን ከማፅደቅ ያለፈ አልሄደም። በዚህ ምክንያት፣ አዲሱ ትውልድ ስርዓቱን በኃይል መናድ ይቅርና እናንተ ያወጣችሁትን ሕገ-መንግስት ለማክበርና ለማስከበር እንኳን እድል አልሰጣችሁትም። “ሕገ-መንግስቱ ይከበር” ብሎ የወጣ ወጣትን “ፀረ-ሰላም እና ፀረ-ልማት” እያላችሁ ለሞትና እስር እየዳረጋችሁ የሀገሪቷንና የትውልዱን ተስፋ አያጨለማችሁ ነው። እስካሁን ላበረከታችሁት አስተዋፅዖ እናመሰግናለን። በዚህ አያያዛችሁ ከ25 ዓመት በፊት የተረከባችኋትን ሀገር እንደነበረች መልሳችሁ እንደምታስረክቡን ምንም ጥርጥር የለውም። ስለዚህ፣ ኢትዮጲያ የወጣቱ ናትና እባካችሁ ልቀቋት!

የአማራ ክልል መስተዳደር ማዕከላዊ ምክር ቤት የክልሉ ፕሬዚደንት አቶ ገዱ አንዳርጋቸው

* የብአዴን ፕሬዚደንት አቶ ገዱ ከሥልጣናቸው ተገደቡ ፣
* ም/ጠቅላይ ሚኒስትር ደመቀ መኮንን በምትካቸው የብአዴን ከፍተኛ ውሳኔዎች ይፈርማሉ !

ኢሳት (ነሃሴ 3 ፥ 2008)

የአማራው ክልል ፕሬዘዳንት አቶ ገዲ አንዳርጋቸው

የአማራው ክልል ፕሬዘዳንት አቶ ገዲ አንዳርጋቸው ላይ ሕወሃት መፈንቀለ መንግስት እንዳደረገ ዳንኤል ብርሃኔ የተሰኘው አፍቃሪ ሕወሃት ጦማሪ ገለጸ። አቶ ገዱ በአማራው ክልል ምክር ቤት የተመረጡ ሲሆን እርሳቸውን ለማንሳት ስልጣን ያለው የክልሉ ምክር ቤት ሆኖ እያለ ሕወሃት የክልሉን አስተዳደር፣ የክልሉን ምክር ቤት እና የክልሉን ሕዝብ በመናቅ አቶ ገዱን ማንሳቱ በይፋ ብአዴን ከሕወሃት እንደተለየ የሚያመላክት ነው። አቶ ገዱን ተክተው የፓርላም አባል የሆኑት አቶ ደመቀ መኮንን ሃላፊነቱን እንደወሰዱ ነው ዳንኤል የጻፈው። አቶ ደመቀ ለፌዴርራል ፓርላማ አባል እንደመሆናቸው የክልሉ የበላይ ሆነው ክልሉን ለማዘዝ በሕወሃት መመደባቸው ክልል እንደ አዲስ አበባና ድሬዳዋ ሙሉ ለሙሉ በፌዴራል(በሕወሃት ሥር) ሆናለች እንደማለት ንው።

ኤርትራዊ በረከት ስምኦ

አቶ በረከት ስምኦን ከ10 ቀናት በፊት ከአገር ሽማግሌዎች ጋር ባደረጉት ንግግር “ጥያቄያችሁን በሙሉ በማስታወሻ ደበትሬ ይዣለሁ። በላይ ላሉት አቅርቤ ተነጋግረነበት መልሱን ይዤ ከሶስት ወራት በኋላ እመለሳልለሁ” ማለታቸውው ይታወሳል። ከሕዝቡ ለአቶ በረከት ከቀረቡ ጥያቄዎች አንዱ የታፈኑ የወልቃይት ኮሚቴ አባላትን ህወሃት እንዲመለስና ኮሎኔል ደመቀ በዛብህም እንዲፈቱ የሚጠይቅ ነበር። ሆኖም አቶ በረከት ወደ አዲስ አበባ ከተመለሱ በኋላ ፣ ነገሮች ተባባሱ። ኮሎኔል ደመቀ ፍርድ ቤት መቅረብ ሲገባቸው ፍርድ ቤቱ በሕወሃት ታዞ ሳያቀርባቸው ቀረ። ህዝቡም በድጋሚ ተቃዉሞዉን ማሰማት ሲጀምር የሕወሃት ጣጣቂዎች ሕዝቡ ላይ መተኮስ በመጀመራቸው ተቃዉሞው ተቀጣጠለ። በርካታ ወገኖችም መቶ።

አቶ በረከት እንደለመዱት ወደ ጎንደር አመሩ። ከበስተጀርባ ሕወሃት ዜጎችን እየገደለ እንደገና ለማረጋጋት ብለው መጡ። ከሕዝቡ ጎን የተሰለፉትን የብዓዴን ታችኛዉና መካከለኛ አባላትን ለማነጋገር በሲኒማ አዳራሽ ደረሱ። በስብሰባው ከነበሩ የብአዴን አባላት ከፍተኛ ዉግዘት ደረሰባቸው። ስብሰባው እየተደረገ መሆኑን የሰሙ የጎንደር ወጣቶች ወደ ቦታው በመሄድ የሲናማዉን አዳራሽ በድንጋይ መደብደብ ጀመሩ። አቶ በረከትም ስብሰባዉ ለመበተን ተገደዱ። እየተዋከቡ እንደ ሌባ በወታደሮች ታጅበ ሾልከው አመለጡ።ዉርድት ይሉትል ይሄ ነው።

በባህርዳር በተካሄደው ህዝባዊ ተቃውሞ የተገደለውን አንድ የጢስ አባይ ተወላጅ ደም ለመበቀል የሟች ቤተዘመዶችና የአካባቢው ነዋሪዎች ሌሊቱን ከአጋዚ ጦር ጋር ጠበንጃ አንስተው ሲዋጉ ማደራቸው ከጢስ አባይ የወጡ መረጃዎች የክልዩ ዘጋቢያችን ገልጿል፡፡በጢስ አባይ ከተማ ያለው ውጥረት እየተባባሰ በመሄዱ ዛሬ ረፋዱ ላይ ከአንድ መቶ ሃያ በላይ ተጨማሪ የመከላከያ ሰራዊት ከተለያዩ የሃገሪቷ ክፍሎች በአንቶኖቭ በመምጣት ወደ ጪስ አባይ ለውጊያ ተልኳል፡፡ የአካባቢው ታጣቂም ፍልሚያውን አጠናክረው ቀጥለዋል።

ጢስ አባይ ከባህርዳር በቅርብ እርቀት ላይ የምትገኝ የአባይ ፏፏቴ የሚገኝባት መለስተኛ ከተማ ናት።

ደሴ፤ በደቡብ ወሎ በደሴ ከተማ የዐማራ ተጋድሎ ሰልፍ ለማካሔድ አስባችኋል በሚል በርካታ ወጣቶች እየታሰሩ መሆኑን አሁን ከመሸ የደረሰን መረጃ አመልክቷል፡፡ መረጃውን ያቀበሉን የደሴ ከተማ ነዋሪዎች እንደሚሉት በየሰፈሩ ወጣቶች እያታደኑ እየታሰሩ መሆኑን ነው የሚገልጹት፡፡ ለምን እንደሚታሰሩ ለጠየቅናቸው ጥያቄ ‹‹ሰላማዊ ሰልፍ ለማድረግ አቅዳችኋል›› በሚል ሰበብ እንደሆነ ተናግረዋል፡፡
ወጣቶችን የሚያሳፍሱ ቅጥረኞች ካርድ እየተሞላላቸውና አበል እየተከፈላቸው እንደሚሰሩ ምንጮቻችን ተናግረዋል፡፡
ወልደያ፤ በወልደያ ከተማ ዛሬ ማምሻውን ጀምሮ ከፍተኛ ፍተሻ እንደነበር ለማወቅ ችለናል፡፡ የወልደያ ከተማ ነዋሪዎች እንደሚሉት በባጃጅ የሚንቀሳቀሱ ግለሰቦች እየወረዱ መታወቂያቸውን እንዲያሳዩ ይገደዱ ነበር፡፡ በከተማው አዳጎና ፒያሳ ተብለው በሚጠሩ አካባቢዎች ወጣቶች ተሰባስበው ሲታዩ እንዲበተኑ ይደረግም እንደነበር ተገልጧል፡፡
የዐማራ ሕዝብ ትግል ያሸንፋል!!

የኢትዮጵያን ህዝብ ለአለፉት ሃያ አምስት ዓመታት በዘር ከፋፍሎ በመግዛትና አንጡራ ሃብቱዋን በመዝረፍ ላይ ያለው ህወሃት፤ ህዝቡ በሰላማዊ መንገድ ፍትህ፣ ዴሞክራሲና እኩልነትን ሲጠይቅ ከማሰርና ከማንገላታት አልፎ በጠራራ ፀሃይ የሺህ ኢትዮጵያውያንን ደም በማፍሰስ ላይ ይገኛል።  በማን አለብኝነት እና በፍጹም ፈላጭ ቆራጭነት አገራችንን ለመበታተን በእኩይ ተግባሩ ገፍቶበታል:: በመሆኑም: እኛ የጎጃም ህብረት በካናዳ አባላትና ደጋፊዎች፡

• በመላ ኢትዮጵያ በተለይም በኦሮምያ፣በጎንደርና በጎጃም የወያኔ አገዛዝ የሚያካሂደውን የሰላማዊ ሰዎች ጭፍጨፋ አጥብቀን የምናወግዝ ከመሆኑም በላይ ይህንን ጭፍጨፋና ዘረኛ አገዛዝ በመቃወም በመታገል ላይ ካለው ወገናችን ጎን ለመቆም ዝግጁ መሆናችንን እናስታውቃለን።
• በሁሉም ወገናችን ላይ ህወሃት እያደረሰ ያለውን እልቂት ተቀምጦ ማየት ከጥፋቱ ተባባሪነት ጋር የማይተናነስ በመሆኑ በየትኛውም የዓለም ክፍል የምንገኝ ኢትዮጵያውያን ባመቸው መንገድ ሁሉ ተደራጅተን ህዝባችንን እንድንታደግ ጥሪ እናቀርባለን።
• የትግራይ ህዝብና ቀና ልቦና ያላችሁ ልሂቃንም ህወሃት በስማችሁ ቀሪውን የኢትዮጵያ ህዝብ ሲዘርፍ፣ የንፁሃንን ደም እንደጎርፍ ሲያፈስስ፣ አገሪቱን ሲያጠፋ በዝምታ ከተመለከታችሁና እናንተን እንደሰባዊ ጋሻ ሲጠቀም ከፈቀዳችሁ የሚከተለው እልቂት የከፋ እንደሚሆን እሙን ነው። አገሪቱ ላይ የሚደርሰው ጥፋት ሁላችንንም የሚጎዳን በመሆኑ ፈጥናችሁ ከኢትዮጵያ ህዝብ ትግል ጎን እንድትቆሙ እናሳስባለን።
• የኢትዮጵያውያን የጋራ ጠላት የሆነው ህወሃት አገራችንን ከምንጊዜውም በከፋ ሁኔታ ውስጥ የከተታት በመሆኑ፤ ኢትዮጵያን ለማዳን በጋራ መቆም ከአሁን የተሻለ ጊዜና አማራጭ ስለሌለ ለዴሞክራሲ መስፈን እንታገላለን የምትሉ የፖለቲካ ድርጅቶችና ንቅናቄዎች ሁሉ በአንድነት ተነሱ።

ኢትዮጵያ በልጆቿ መስዋዕትነት ነፃ ትሆናለች!!

ነሃሴ 2 ቀን 2008 ዓ ም

contact us: gojjamhibret@gmail.com

ከፕሮፌሰር አለማየሁ ገብረማርያም 

ትርጉም በነጻነት ለሀገሬ

የኢትዮጵያውያን የጸደይ አብዮት በ2016 የክረምት ወቅት መጀመሩ ነውን? 

አንድ ህዝብ ታምቆ ፣ ታምቆ ማለት ተጨቁኖ  በዘመንታ አይቆይም ። ዩኒቨርሳል universal  ማለት ነው ።  አንድ ህዝብ እንደ ህዝብ መጠን  በዓለም ታሪክ  አንዳስቀመጡት አንደፈለጉት  የሚቀመጥ አይደለም። ሲመረው ይፈነዳል።  ይሄ ዓለም አቀፋዊ  እውነታ /universal  truth  ነው። ሲመረው የማይነሳ ህዝብ የለም ባለም።  በታሪክም /historically።  አሁንም።  ለወደፊትም ። (አዛውንቱ የእንጨት ሽበት ባለቤቱ አቦይ ስብሀት ነጋ፣ የዘ-ህወሀት ጭንቅላት፣ ንጉስ፣ የክርስትና አባት፣ ተጽእኖ ፈጣሪ እና የአለቆች ሁሉ አለቃ (ካቦ) እ.ኤ.አ በ2015 ከተናገረው የተወሰደ።)  (ለማዳመጥ እዚህ ይጫኑ ።)

በዘ-ህወሀት ላይ የፍርዱ ቀን ደረሰ ማለት ነውን?

እ.ኤ.አ ታህሳስ 2015 “የኢትዮጵያውያን የጸደይ አብዮት በበጋው ወቅት መጀመሩ ነውን?  በሚል ርዕስ በኢትዮጵያ በመምጣት ላይ ስላለው የጸደይ አብዮት ትችት አቅርቤ ነበር፡፡“

በዚያ ትችቴ ላይ እንዲህ የሚል ምልከታ አድርጌ ነበር፡ “በኢትዮጵያ እንደመዥገር በስልጣን ኮርቻ ላይ ተጣብቆ የሚገኘው የህዝባዊ ወያኔ ሀርነት ትግራይ ወሮበላ የዘራፊ ቡድን ስብስብ (ዘ-ህወሀት) በምን ሰዓት እና መቼ ቀን እንደሚወድቅ በእርግጠኝነት መተንበይ አልችልም፡፡ ሆኖም ግን የመውደቂያው የእጅ ጽሁፍ በግድግዳው ላይ በጉልህ ተጽፎ ይታያል“ ነበር ያልኩት፡፡

ያንን ትችት ካቀረብኩ ከአንድ ወር በኋላ እ.ኤ.አ ጥር 2016 “ለኢትዮጵያውያን ምንም የሚቀር ሀገር የላቸውምን?” በሚል ርዕስ ባቀረብኩት ትችቴ ደግሞ ዘ-ህወሀት የፍርድ ቀኑ በደረቅ ሌሊት እየተሳበ እንደሚደርስ ሌባ ቀስ ብሎ ሳይታሰብ በድንገት ከተፍ ይላል በማለት ተናግሬ ነበር፡፡

በአሁኑ ጊዜ በዘ-ህወሀት ላይ የፍርዱ ቀን ደረሰ ማለት ነውን?

የኢትዮጵያ ሕዝብ ለፍትህ እና ለፍትሀዊነት መስፈን ሲል ለ25 ዓመታት ያህል ድምጹን ከፍ አድርጎ ሲጮህ ቆይቷል፡፡ ሆኖም ግን እንደበቀቀን የሚለፈልፍበት ሰፊ አፍ እንጅ የሚሰማበት ጆሮ እና ህሊና የሌለው የህዝባዊ ወያኔ ሀርነት ትግራይ ወሮበላ የዘራፊ ቡድን ስብስብ (ዘ-ህወሀት) ሲቀርብለት ለቆየው ህዝባዊ የተማዕጽኖ ጥያቄ ሁሉ አላየሁም አልሰማሁም በማለት ጆሮዳባ ልበስ ሲል ቆይቷል፡፡

ዘ-ህወሀት በተደጋጋሚ ከሕዝብ ሲቀርብለት ለቆየው የተማጽዕኖ ጥያቄ ሁሉ በኤኬ-47 ካላሽንኮቭ እና በሌሎች አውቶማቲክ መሳሪያዎች አማካይነት የእሩምታ ተኩስ በመክፈት የሕዝብ እልቂትን በመፈጸም የአጻፋ ምላሽ ሲሰጥ ቆይቷል፡፡

ሰዎች እንዲህ የሚል አባባልን ይናገራሉ፣ “ፍትህ ልክ አንደምዘገይ ባቡር ነው፣ ምን ቢዘገይ መድረሱ አይቀርም፡፡“   የፍትህ ባቡር በኢትዮጵያ ዘግይቷል፣ ሆኖም ግን የዚያን ባቡር በሐዲዱ የሚተላለፈው መድረሱን የሚገልጥ ድምፅ መስማቴን ሳላቆአርጥ ለበርካታ ዓመታት ተናግሬአለሁ፡፡ የፍትህ ባቡር ቀስ አያሌ አየመጣ ነው! የፍትህ ባቡር አያዘገመ ነው ነው! የፍትህ ባቡር አየገሰገሰ ነው! የፍትህ ባቡር አየደረሰ ነው!  የፍትህ ባቡር ደርሰ አንዴ!?

እ.ኤ.አ በ2016 የኢትዮጵያ የፍትህ የምጽአት ባቡር ጣቢያው ገባ!?

ከባቡር ጣቢያው ሲገባ እየተመለከትኩት ነው፡፡ ሆኖም ግን የባቡሩ ተሳፋሪዎቹ ማን አንደሆኑ በእርግጠኝነት የማውቀው ነገር የለም፡፡

የኢትዮጵያ የፍትህ ባቡር የሰላም ወይም ደግሞ የእርስ በእርስ ጦርነትን የሚያውጁ ተሳፋሪዎች ናቸው ያሉት?

የሰላም ፈጣሪዎች አንዲሆኑ አመኛለሁ እጸልያለሁ።

“ሰላም ፈጣሪዎች የተባረኩ ናቸው” በሚለው መለኮታዊ ትእዛዝ አምናለሁ።

ሆኖም ግን የሰላም ፈጣሪዎችን ጥሪ እየሰማሁ አይደለም፡፡

እንዲህ የሚለውን የጦረኞችን የጦርነት አዋጅ የጥሪ ቀን እየሰማሁ ነው፡ “ማረሻዎቻችሁን ወደ ጎራዴነት ቀይሩ እንደዚሁም ሁሉ የአበባ ማስተካከያ መሳሪያዎቻችሁን ወደ ጦር ቀይሩ፡፡ ደካሞች እንዲህ በሉ፣ ’እኔ ጠንካራ ነኝ!‘“ አንደተባለው ።

ለሩብ ክፍለ ዘመን ያህል በዘ-ህወሀት ጉልበት ስር ወድቆ ደካማ በመሆን ሲያገለግል የቆየው ሕዝብ በአሁኑ ጊዜ በአይበገሬነት፣ በፍርሀትየለሽነት ዓይኑን አፍጥጦ በመቆም እንዲህ እያለ ይዘምራል፡ “እኛ ጠንካሮች ነን! ኢትዮጵያ ትጠንከር! አንዲት ጠንካራ ኢትዮጵያ ለሁላችንም !“

ጋንዲ እንዳስተማሩን ሁሉ ጥንካሬ ከአካላዊ ብቃት፣ ከጦር መሳሪያዎች ወይም ደግሞ ከሚፈነዱ ቦምቦች፣ ሮኬቶች እና ሚሳይሎች አይመጣም የሚለውን እንደማምን ለመግለጽ እወዳለሁ፡፡

ጥንካሬ የሚመጣው ከማይበገረው የመንፈስ ጽናት ነው፡፡ የጥንካሬ ምንጭ የልብ ወርቅ እና የአረብ ብረት መሆን ነው፡፡

ከሩብ ክፍለ ዘመን የዘ-ህወሀት አምባገነናዊ አገዛዝ በኋላ የኢትዮጵያ ሕዝቦች የማይበገረውን ኃይላቸውን እንዲህ በማለት በማሳየት ላይ ይገኛሉ፡ “ዘ-ህወሀት! በቃ በቃ ነው! ከዚህ በኋላ አብረን መቀጠል አንችልም! ሽንጣችንን ገትረን እንዋጋለን! ከእንግዲህ በኋላ አንተን አንፈራህም! አፈር ድሜ በልተህ ገሀነም ግባ፣ ገሀነም፣ ገሀነም!“ እያሉ ነው፡፡

እ.ኤ.አ በ2010 በቱኒሲያ ሕዝባዊ ለውጥ በመጣ ጊዜ በውድቅት ሌሌት ቀስ እያለ እየተሳበ እንደሚመጣ ሌባ ነበር፡፡

የቱኒሲያ ሕዝባዊ የአመጽ ብልጭታ በመካከለኛው ምስራቅ እና በሰሜን አፍሪካ ባሉ ሀገሮች ሕዝቦች ላይ እሳት ጫረ፡፡ ገሀነም ፈነዳ እናም የህዝብ ቁጣ የአፍሪካን አምባገነኖች አይገቡበት እየገባ ማርበድበድ ጀመረ፡፡ እንደ አይጥ በየቆሻሻ ቱቦው እየተያዙ አፈር ድሜ እየበሉ ወደማይቀረው ዓለም ተሰናበቱ፡፡

ያ በጨለማ በውድቅት ሌሊት ቀስ እያለ ሲሳብ የነበረው ሌባ በአሁኑ ጊዜ በኢትዮጵያ የፍትህ ባቡር ውስጥ ተሳፍሮ እየመጣ ነውን?

እኔ ስለዚህ ጉዳይ የማውቀው ነገር የለም ምክንያቱም ከዚህ በታች ለሚቀርቡት ጥያቄዎች ምላሽ የማውቀው ነገር የለምና፣

ዘ-ህወሀት በ100 ሚሊዮን የኢትዮጵያ ሕዝብ ጫንቃ ላይ ነግሶ ከሰብአዊነት አውርዶ እና ባሪያ እድርጎ በአምባገነንነት እና በጭቆና እንደ ብረት ቀጥቅጦ እንደ ሰም አቅልጦ እየገዛ ሊቆይ የሚችለው ለምን ያህል ጊዜ ነው?

ዘ-ህወሀት ሀገሪቱን የባሪያ የእርሻ ቦታ በማድረግ እነርሱ ጌቶች ሆነው እያንዳንዱ የኢትዮጵያ ዜጋ ደግሞ ገባር ሆኖ እየተገዛ እና እየተሰቃየ ሊቆይ የሚችለው ለምን ያህል ጊዜ ነው?

ዘ-ህወሀት አርሶአደሮችን ከመሬት ይዞታቸው በኃይል እያፈናቀለ እርሱ የዜጎችን አንጡራ ሀብት እያጋበሰ ለአስከፊ ድህነት እየዳረጋቸው ሊቆይ የሚችለው ለምን ያህል ጊዜ ነው?

ዘ-ህወሀት የቤት ባለቤቶችን ከመኖሪያ ቤታቸው በኃይል እያፈናቀለ፣ የንግድ ድርጅት ባለቤቶችን ከንግዳቸው እያባረረ እና ቤተክስቲያኖችን እና መስጊዶችን እየደፈረ እና ቅዱስ ቦታዎችን እያረከሰ ያገኘውን ሁሉ እያግበሰበሰ የማይሞላውን ኪሱን በማሳበጥ ሊቆይ የሚችለው ለምን ያህል ጊዜ ነው?

ዘ-ህወሀት የኢትዮጵያ ሕዝቦች ከቀደምቶቻቸው ጀምረው ሲኖሩበት የነበረውን መጠነ ሰፊ የእርሻ መሬቶቻቸውን በኃይል እያፈናቀለ በመቀማት እና በመዝረፍ በርካሽ ዋጋ ለቻይናዎች፣ ለህንዶች፣ ለሳውዲዎች፣ ለቱርኮች እና ለሌሎች በሳንቲም ደረጃ እየቸበቸበ ኪሱን ሲሞላ የሚቆየው ለምን ያህል ጊዜ ነው?

ዘ-ሀወሀት ሕገ መንግስታዊ መብቶቻቸውን በመጠቀም በሰላማዊ መንገድ ተቃውሞቻቸውን የሚገልጹትን የኢትዮጵያ ወጣቶች እንደ በሬ እያረደ እልቂትን በመፈጸም ሊቆይ የሚችለው ለምን ያህል ጊዜ ነው?

ዘ-ህወሀት የ100 ሚሊዮን ኢትዮጵያውያንን ድምጾች እያፈነ ሊቆይ የሚችለው ለምን ያህል ጊዜ ነው?

ዘ-ህወሀት በእግር ጫማው የ100 ሚሊዮን ኢትዮጵያውያንን አንገት በመርገጥ ሊቆይ የሚችለው ለምን ያህል ጊዜ ነው?

ንገሩኛ እኮ ለምን ያህል ጊዜ?

እኔ ግን ጊዜው ሩቅ አይሆንም እላለሁ!

ሩቅ አይሆንም! በምንም ዓይነት ሁኔታ ሩቅ አይሆንም!

ነሐሴ ለዘ-ህወሀት የቀውጥ ወር ነው፡፡

አሁን በህይወት የሌለው እና ወሮበላ የዘራፊ ቡድን ስብስብ ትንሹ አምላክ እንዲሁም ለሁለት አስርት ዓመታት በዘ-ህወሀት ኮርቻ ላይ ተፈናጥጦ የቆየው አምባገነኑ መለስ ዜናዊ ህይወቱ አለፈ እየተባለ የሚነገርለት በነሀሴ ወር ነው፡፡ አምባገነኑ መለስ ዜናዊ በእርግጠኝነት የሞተበት ቀን ግን በዘ-ህወሀት ሚስጥር ሆኖ ተቀምጧል፡፡

ከአራት ዓመታት በኋላ እ.ኤ.አ ነሀሴ 2016 እንዲህ የሚል ጥያቄ እጠይቃለሁ፣ “የዘ-ህወሀት ኮርቻ ለአንዴ እና ለመጨረሻ ጊዜ ለዘላለሙ ተንኮትኩቶ የሚወድቀው መቼ ነው?“

የኢትዮጵያ ጀግኖች ሕዝቦች ከዘ-ህወሀት የስቃይ እና የመከራ አገዛዝ ነጻ ለመውጣት ረዥሙን የጨለማ ጉዞ በመጋፈጥ ያንን አስቸጋሪ እና አንገብጋቢ የሆነውን ጥያቄ በመመለስ ህልሞቻቸውን ማሳካት የሚችሉት መቼ ነው? (መቀመጫ ኮርቻውን በዛፉ ጫፍ ላይ አስቀምጠው፣ ነፋስ በሚነፍስበት ጊዜ ኮርቻው ወድቆ ይንኮታኮታል፣ ቅርንጫፉ ሲዘነጠል ኮርቻው ይወድቃል እናም ድልዳሉ ኮርቻ እና ሁሉም ኮተቱ አንዴ ወድቆ ይንኮታኮታል፡፡)

በአሁኑ ጊዜ በሀገሪቱ ውስጥ ዘ-ህወሀትን ዶግ አመድ የሚያደረግ አደገኛ የሆነ ሕዝባዊ ማዕበል፣ ቁጣ እና የበቀል ጥላቻ የሰደድ እሳት በመቀጣጠል ላይ ይገኛል፡፡

የኢትዮጵያ ሕዝብ በየቦታው በመነሳት ላይ ይገኛል፡፡ የኢትዮጵያ አቦ ሸማኔው (ወጣቱ ትውልድ) አካባቢውን ሁሉ በመውረር ላይ ይገኛል፡፡ በየቦታው የቁጣ ድምጹን ከፍ አድርጎ በማሰማት ላይ ይገኛል፡፡

በዘ-ህወሀት የዛፍ ጫፍ ላይ ተንሰራፍቶ የሚገኘው የወንጀለኝነት እና የሙስና ቅርንጫፍ በህዝባዊ የቁጣ እና የበቀል ማዕበል ተዘንጥሎ አፈር ድሜ ሊበላ የሚችለው መቼ ነው?

ቅርንጫፉ ተሰብሯል ማለት እችላለሁ! በእርግጠኝነት! ብቸኛ ጥያቄ ሆኖ ሊቀርብ የሚችለው የዘ-ህወሀት የወንጀለኝነት፣ የሙስና እና የሰብአዊ መብት ረገጣ ወንጀሎች ኮርቻ ሊወድቅ ይችላል ወይ የሚለው ሳይሆን ይልቁንም ወድቆ ሊንኮታኮት የሚችለው በእርግጠኝነት መቼ ነው የሚለው ነው፡፡

ስለሆነም ነገሩ አሮፓውኖች አንደሚሉት አባባል ብናየው እንዲህ የሚል ነው፡

ዝትቱ እና ግብስብሱ ዘ-ህወሀት በግድግዳ ላይ ተቀምጧል፡፡ 

ዝትቱ እና ግብስብሱ ዘ-ህወሀት ታላቅ ውድቀት ደርሶበታል፡፡ 

ሁሉም የንጉሱ ፈረሶች እና የንጉሱ ሰዎች የተፈረካከሰውን ዝትቱን እና ግብስብሱን ዘ-ህወሀት እንደገና መልሰው አንድ ሊያደርጉት ከቶውንም አይችሉም፡፡ 

ደብረጽዮን ገብረሚካኤል በለው ወይም ደግሞ ሳሞራ የኑስ፣ ስብሀት ነጋ፣ በለው ወይም ቴዎድሮስ አድሀኖም፣ ስዩም መስፍን፣ አርከበ እቁባይ፣ አባይ ጸሀዬ፣ በለው አባዲ ዘሞ፣ ጸጋይ በርኸ፣ አዜብ መስፍን፣ ሀፍቶም አብርሃ፣ ሬድዋን ሁሴን፣ በለው ወይም ምስኪኑ ናሙና ኃይለማርያም ሰሳለኝ ወይም ደግሞ ሌላ የዘ-ህወሀት ወሮበላ የዘራፊ ቡድን ስብስብ አባል የዘ-ህወሀትን ዝትት እና ግብስብስ ውዳቂ እንደገና ጠጋግኖ አንድ ሊያደርገው ከቶውንም አይችልም፡፡ አይችልም በምንም አይነት !

ዘ-ህወሀት የፖለቲካ ቀውስን በመምራት ላይ ይገኛል፣

በአሁኑ ጊዜ በዘ-ህወሀት ቁጥጥር ስር ያለችው ኢትዮጵያ የዕለት ከዕለት ስራዋን በመስራት በስርዓት የምትመራ ሀገር መሆኗ በፍጹም ውድቅ ሆኗል፡፡

በአሁኑ ጊዜ በዘ-ህወሀት የጎሳ ፌዴራሊዝም ሸፍጥ ቁጥጥር ስር እጅ ከወርች ተጠፍንጋ በምትገኘው ኢትዮጵያ ውስጥ አንድም ደስተኛ የሆነ ቡድን የለም፡፡

ዘ-ህወሀት እራሱን በስልጣን ኮርቻ ላይ እንደ መዥገር አጣብቆ ለመቆየት ከሩብ ክፍለ ዘመን በላይ የጎሳ ፌዴራሊዝምን እና ከፋፋይ የጎሳ ፖለቲካ ስልቱን ሲያራምድ ቆይቷል፡፡ ዘ-ህወሀት የአንዱን ጎሳ ቡድን ከሌላው የጎሳ ቡድን ጋር በማጋጨት በከፍተኛ ደረጃ የፍርሀት፣ የጥልቅ ጥላቻ እና የጥላቻ ስልቶችን በህዝቦች ላይ በመጫን ሲተገብር ቆይቷል፡፡ ዘ-ህወሀት የራሳቸው ስብዕና የሌላቸውን አሰስ ገሰስ የፖለቲካ ፓርቲዎች በመሰብሰብ ለማታላያነት እራሱን ኢህአዴግ ብሎ በመጥራት እና እውነተኛ የህዝብ ወካይ ፓርቲዎች አስመስሎ በማቅረብ በሸፍጥ እያጭበረበረ ከሩብ ከፍለ ዘመን በላይ በአምባገነንነት ሲገዛ ቆይቷል፡፡

በአሁኑ ጊዜ በኢትዮጵያ ውስጥ ያለው ያፈጠጠው እና ያገጠጠው እውነታ ዘ-ህወሀት (ኢህአዴግ ወይም እራሱን በማንኛውም ስያሜ ቢጠራም) በኢትዮጵያ ውስጥ ባለ በእያንዳንዱ ጎሳ ከፍተኛ በሆነ መልኩ ተቀባይነትን በማጣት እንደ አሮጌ ቁና ተወርውሯል፡፡ በአሁኑ ጊዜ ዘ-ህወሀት እያራመደው ያለው የጎሳ እና የፓርቲ የድብበቆሽ ጨዋታ ያበቃበት መሆኑን በሚገባ ተገንዝቧል፡፡

በአሁኑ ጊዜ ዘ-ህወሀት በኃይል ሳይገፈተር፣ ያለውጊያ እና ከኋላው ጥቃት ሳይፈጸምበት በኢትዮጵያ ህዝቦች ላይ የእራሱን ፍላጎት ለመጫን ፍጹም ከማይችልበት ደረጃ ላይ ደርሶ ይገኛል፡፡

የኢትዮጵያ ህዝቦች የአንድነት መሰረታቸውን በማጠናከር ቀጥ አድርገው ይዘዋል፡፡ ዘ-ህወሀት እነርሱን እንዲደበድብ እና እንዲያሰቃይ የሚፈቅዱበት ሁኔታ በፍጹም የለም፡፡

ጦርነቱን ወጣቱ ትውልድ በግንባር ቀደምነት በመምራት ላይ ይገኛል፡፡ የሚመራው ግን የኃይል ድርጊትን በመጠቀም ሳይሆን ሰላማዊ በሆነ መልኩ የህዝባዊ እምቢተኝነት ስልቶችን በመተግበር ነው፡፡ ድፍረት የተመላበት ህዝባዊ እምቢተኝነትን በማራመድ ነው፡፡ ጽናትን በተላበሰ የኃይል አልባን ተቃውሞ ተግባራዊ በማድረግ ነው፡፡ ያለምንም ፍርሀት፣ ያለምንም ማቅማማት፣ ያለምንም ጥርጣሬ እንደ አረብ ብረት በጽናት ጠንክሮ የሞት ሽረት ትግል በማድረግ ላይ  ነው፡፡

በዘ-ህወሀት ግድብ ላይ ወጣቶች ታላቅ የቦይ መቀልበሻ ናቸው፡፡

ለበርካታ ጊዚያት ዘ-ህወሀት ወጣቶችን በመደለል በብርቅርቅ ነገሮች ለመግዛት ሙከራ አድርጎ ነበር፡፡ ዘ-ህወሀት ወጣቶችን የማስፈራራት፣ በቁጥጥር ስር የማዋል እና ወደ እስር ቤት ዘብጥያ የመጣል ሙከራ አድርጓል፡፡ ዘ-ህወሀት በአሁኑ ጊዜ በየቦታው ወጣቶችን እንደ ፋሲካ ዶሮ በማረድ እልቂትን በመፈጸም ላይ ይገኛል፡፡ ሆኖም ግን ወጣቶች በየአውራ መንገዶች በመውጣት እንዲህ በማለት ድምጻቸውን ከፍ አድርገው በመጮህ ላይ ይገኛሉ፡ “በአሮሚያ ወንድሞቻችንን መግደሉን አቁሙ፡፡ የአማራን ሕዝብ የጅምላ ግድያ አቁሙ፡፡ የዘ-ህወሀት የበላይነት ይቁም፡፡ የፖለቲካ እስረኞች ያለምን ቅድመ ሁኔታ አሁኑኑ ይፈቱ!“ በማለት ድምጻቸውን በማስተጋባት ላይ ይገኛሉ፡፡

አሁን በህይወት የሌለው የዘ-ህወት ወሮበላ የዘራፊ ቡድን ስብስብ አድራጊ ፈጣሪ መሪ የነበረው አምባገነኑ መለስ ዜናዊ አንደተምሳለት የሚከተለው የናዚ መሪ በአንድ ወቅት “ወጣቱን የያዘ አካል የወደፊቱን ድልአድራጊ ይሆናል” ብሎ ነበር፡፡

ዘ-ህወሀት በምንም ዓይነት መንገድ የኢትዮጵያን ወጣቶች ሊሸጥ ሊለዉጥ ሊያሸንፍ አይችልም፡፡ ሆኖም ግን የኢትዮጵያ ወጣቶች ኢትዮጵያን የእራሳቸው ያደርጋሉ፡፡ ዘ-ህወሀትን ያሸነፋሉ ።

ዘ-ህወሀት በህዝባዊ አመጹ የተቀጣጠለውን ቁጣና እና የበቀል እርምጃ ጣቶቹን በመቀሰር እና በሰላማዊ መንገድ በሚያምጹ ተማሪዎች ላይ እልቂትን በመፈጸም ከገደቡ ወጥቶ በማፍሰስ ላይ ያለውን የቦይ መቀልበሻ እንደሚቆጣጠር አድርጎ ያስባል፡፡

ዘ-ህወሀት መገንዘብ የተሳነው ነገር ቢኖር (ወይም ደግሞ ሆን ብሎ ሊገነዘበው የማይፈልገው ነገር) ከተማሪዎች ቁጣ እና የበቀል እርምጃ ከሚቀጣጠልበት ጀርባ መጠነ ሰፊ የሆነ በህዝባዊ ተስፋ መቁረጥ፣ በጥላቻ እና በምሬት የተሞላ ህዝባዊ ባህረ አሳት እንዳለ አለመገንዘቡ ነው፡፡

ዘ-ህወሀት አስተማማኝ ወታደራዊ ብቃት እንዳለው፣ በቅጥፈት የተፈበረከ የኢኮኖሚ ዕድገት እያስመዘገበ ስኬታማ እንደሆነ እና በሀገሪቱ አስተማማኝ የፖለቲካ መረጋጋት፣ ወዘተ እንዳለ አድርጎ ሌት ከቀን እንደ በቀቀን በመለፍለፍ ተግባራት ላይ በመጠመድ እራሱን ህጋዊ እና እውነተኛ እንደሆነ አድርጎ የማቅረብ ቅዠቱን ያሳያል፡፡

ዘ-ህወሀቶች እራሳቸውን ብቻ ጀግናዎች እና ጠንካራዎች፣ እነርሱ ብቻ ብልሆች እና አዋቂዎች፣ እነርሱ ብቻ ምርጦች ሌሎች ህዝቦች ግን ባዶዎች፣ እነርሱ ብቻ ወርቆች፣ ሌሎች ሕዝቦች ግን ጨርቆች እንደሆኑ አድርገው ያቀርባሉ፡፡

የዘ-ህወሀት አፈቀላጤ ከጥቂት ጊዜ በፊት እያንዳንዱ ሰው ፈሪ፣ ቦቅቧቃ እና የአዕምሮ ዘገምተኛ እንደሆነ አድርጎ እየተንተባተበ እና እየተጎላደፈ ተናግሯል፡፡

ዘ-ህወሀት የሚፈልገውን ነገር ማሰብ ይችላል፣ የመረጠውን ማመን ይችላል፡፡

ሆኖም ግን እነዚህ ማናቸውም ነገሮች ቢሆኑ ከዚህ በኋላ ምንም የሚያመጡት ነገር የለም፡፡

የተባበሩ ህዝቦች በፍጹም አይሸነፉም የሚለው አባባል ዓለም አቀፋዊ እውነታ ነው፡፡

ዘ-ህወሀት ጠብመንጃዎችን፣ ታንኮችን እና የጦር አውሮፕላኖችን መጠቀም ይችላል፣ ሆኖም ግን ዘ-ህወሀት ሰላማዊ ኢትዮጵያውያንን በገደለ ቁጥር ሕዝቦች ለነጻነታቸው ሲሉ ችግሮችን ለመፍታት ጠንካራ እና አይበገሬ እየሆኑ ይሄዳሉ፡፡

ምንም የሚመጣ ነገር የለም፡፡

በቅርቡ በተለቀቀ በአንድ የቪዲዮ ምስል አንድ ሰው እንዲህ ሲል ተደምጧል፣ “በዘ-ህወሀት አገዛዝ ሁላችንም ሞተናል፡፡ የቁም ሞት ሞተናል፡፡ ወደፊት አሁን ካለንበት የበለጠ ሞት አይጠብቀንም“። 

በመንገድ በመሄድ ላይ ያለ አንድ ሰው እንደዚህ ያለ ለማመን የሚያስቸግር መግለጫ ሲናገር መስማት ማለት በስርዓቱ ላይ ያለውን አጠቃላይ የሆነ የህብረተሰቡን ጥልቅ የሆነ ስሜት የሚያመላክት መሆኑን ያስገነዝባል፡፡ 

ህዝቦች ከነጻነት ማጣት እና ከባርነት፣ ከሁለተኛ ዜጋነት እና ከሰብአዊነት ከወረደ አያያዝ መካከል መወሰን እንዲችሉ ምርጫ እንዲመርጡ ሲገደዱ ለመዋጋት ይመርጣሉ እንጅ ሾልከው በመሸሽ ለመብረር አይሞክሩም፡፡

ይህ መርህ ዘ-ህወሀት የአእምሮ ዘገምተኛ እና ዝቅተኛ እያለ ለሚዘልፈው ለእያንዳንዱ ሰውም ቢሆን ይሰራል፡፡

ናዚዎች በጀርመን ውስጥ የነበሩት አረያኖች ከሌሎች ሕዝቦች የበለጡ ዜጎች መሆናቸውን እና ሌሎች ሕዝቦች ግን አሰስ ገሰስ እና የማይረቡ መሆናቸውን ለማመላከት ሲሉ እንዲህ በሚል ትንሽ ለየት ባለ ሁኔታ ገልጸው ነበር፡ “ከሰብአዊነት የወረዱ”ነበር ያሉት፡፡ 

የዘ-ህወሀት ኃያሎች ከኢትዮጵያ ብዙሀን ህዝብ ጋር ሲነጻጸሩ፣

ሰፊው የኢትዮጵያ ህዝብ ዘ-ህወሀትን እንደሚያሸነፍ ምንም ዓይነት ጥያቄ የለውም፡፡ የኢትዮጵያ ህዝብ በእርግጠኝነት ድልን ይቀዳጃል፡፡

በዘ-ህወሀት ላይ የፍርድ ቀን ደርሷል፣

ከልባቸው እና ከህሊናቸው በማውጣት አስከፊው የዘ-ህወሀት አገዛዝ በቃ! አንገሸገሸን! ቋቅ አለን! ከዚህ በላይ ልንቀጥል አንችልም! የሚልን የህዝብ አመጽ ለማቆም የሚያስችል ምድራዊ ኃይል በዚህች ሀገር ላይ ከቶውንም ሊኖር አይችልም፡፡

በዓለም ላይ ያለ የትኛውም ሕዝብ ቢሆን በአምባገነኖች ታፍኖ ለዘላለም መኖር አይችልም። ማንኛውም ሕዝብ ለዓመታት በጭቆና እጅ ከወርች ተጠፍንጎ ሲገዛ መኖር አይችልም ፡፡  ታሪክ ይመሰክ ራል ፡፡

ሰብአዊ ፍጡር የሆነ ሕዝብ  እንደ ቁሳቁስ እንደ ግኡዝ ነገር  ወይም ድጋይ ቁጭ ብሎ  አይቀርም ።  ዘህዋሃት  የኢትዮጵያን  ህዝብ እንደ ቁሳቁስ እንደ  ግኡዝ ነገር   እንደ  ድጋይ  አድርጎ  ነው  የሚ ያየው ።  ሕዝቦች በከፍተኛ ሁኔታ ባመረሩ ጊዜ ያምጻሉ ይዋጋሉ  ለሀገራቸው ለነታፃ ቸው  ይሞታሉ ፡፡

የእኔን ቃላት ለዚህ እውነታ መውሰድ የለባችሁም፡፡

የዘ-ህወሀትን የክርስትና አባት አዛውንቱን እና የእንጨት ሽበት የተላበሰውን ስብሀት ነጋን ጠይቁ፡፡ እንዲህ በማለት እንደወረደ ያለውን ሁኔታ ይነግራችኋል፣ ጥሬውን እንዳለ!

አንድ ህዝብ ታምቆ ፣ ታምቆ ማለት ተጨቁኖ  በዘመንታ አይቆይም ። ዩኒቨርሳል universal  ማለት ነው ።  አንድ ህዝብ እንደ ህዝብ መጠን  በዓለም ታሪክ  አንዳስቀመጡት አንደፈለጉት  የሚቀመጥ አይደለም። ሲመረው ይፈነዳል።  ይሄ ዓለም አቀፋዊ  እውነታ /universal  truth  ነው። ሲመረው የማይነሳ ህዝብ የለም ባለም።  በታሪክም /historically።  አሁንም።  ለወደፊትም ። (አዛውንቱ እና የእንጨት ሽበት ባለቤቱ አቦይ ስብሀት ነጋ፣ የዘ-ህወሀት ጭንቅላት፣ ንጉስ፣ የክርስትና አባት፣ ተጽእኖ ፈጣሪ እና የአለቆች ሁሉ አለቃ (ካቦ) እ.ኤ.አ በ2015 ከተናገረው የተወሰደ።) 

በቆራጥነት ወደፊት! 

ጠንካራ ነን! ኢትዮጵያ ጠንካራ ናት! በአንድነት ለጠንካራ ኢትዮጵያ! 

ኢትዮጵያ በክብር ለዘላለም ትኑር!  

ነሐሴ 3 ቀን 2008 ዓ.ም

መግቢያ

ኢትዮጵያዊያን እጅግ የተቀናጀ፣ ያመረረና ቀጣይነትም ያለው የሚመስል ተቃውሞ በመንግስት ላይ እያካሄዱ ይገኛሉ። ከሰሜን እስከ ደቡብ፣ ከምዕራብ እስከ ምሥራቅ እንደ ሰደድ እሳት ተቀጣጥሏል። የአዲስ አበባ የመስፋፋት እቅድና የመሬት ቅርምት እና የወልቃይት ጠገዴ ጉዳይ ህዝባዊ እምቢተኝነቱን ቢያነሳሱትም መሠረታዊ የሆኑ የመብትና የነጻነት እንዲሁም የፍትህ ጥያቄዎች እየተነሱ ነው። ትግሉ በሰላማዊ ሰልፍ ተጀምሮ ሁለ ገብ የሆኑ ስልቶችን ወደ መጠቀም የተሸጋገረ ይመስላል። በመቶዎች የሚቆጠሩት ሰልፈኞች በመንግስት ታጣቂዎች ተገለዋል፣ ቆስለዋል፣ ታስረዋል። ከመንግስት በኩልም ቁጥራቸው ያልታወቀ ወገኖች ሞተዋል፣ ቆስለዋል።  የታሰሩ ግን የሉም። ይህም ሁሉ መከራ ወርዶ ህዝቡ ለበለጠ ትግል ተነሳስቷል። እስካሁን የተከናወኑት ክስተቶች እንዲሁም ህዝቡ የሚያስተጋባቸው መፈክሮች በግልጽ እንደሚያሳዩት መንግስት በከፍተኛ ሁኔታ በህዝቡ ዘንድ  ተቀባይነትን እንዳጣ ለመረዳት ችሏል። ለመሆኑ ህዝባዊ ትግሉ አስፈላጊ ነውን?

የትግሉ አስፈላጊነት

ለእኔ ትግሉ የዘገየ ቢሆንም እጅግ አስፈላጊ ነው! ምክንያቶችም ግልጽ ናቸው።

• በሁሉም የመንግስት መዋቅሮች ያሉት ሓላፊዎች ከአንድ አካባቢ የመጡ መሆናቸው ብቻ ሳይሆን አምባ ገነኖች፣ ዘረኞች፣ ሙሰኞች፣ ገዳዮችና አፋኞች ናቸው
• የሲቪክና የሃይማኖት ተቋማት ሙሉ በሙሉ በገዥው ቡድን ተይዘዋል ህዝብን አሳዳጅ እንዲሆኑ ተደርጓል
• ኢኮኖሚው በኤፈርትና በሜድሮክ ኩባንያዎች ቁጥጥር ስር ወድቋል፣ ንጹሐን ባለሀብቶች በዘዴ ከጫወታ ውጭ ተደርገዋል
• ከ15 ሚሊዮን በላይ ኢትዮጵያዊያን የሚቆርሱት ዳቦ አጥተዋል
• ኢትዮጵያዊያውያን በሚያስደነግጥ ሁኔታ ለስደት ተዳርገዋል፣ በውጭ አገራት መከራ ሲገጥማቸው መንግስት ጀሮ ዳባ ልበስ ብሏል
• ስለመብት መጣስ የተናገሩ ፍጹም ሰላማዊ ሰዎች ተገለዋል፣ ታስረዋል፣ አካለ ስንኩላን ሆነዋል፣ ተሰደዋል፣ ቤተሰቦቻቸውም በነጻነት እንዳይንቀሳቀሱ ተደርገዋል
• የኢትዮጵያ ታሪክና ድንበር በማናለብኝነት ተንቋሿል፣ ተቆርሷል
• ኢትዮጵያዊያን በዘራቸው እንዲከፋፈሉ በጥርጣሬ እንዲተያዩ በዘመቻ ተሠርቷል
• ትምህርትን በማስፋፋት ስም ትውልዱ ታፍኗል፣ ተምሮ ያልተማረ ሆኗል፣ የትምህርት ክብርና ጥቅም ወድቋል
• በዓለም አቀፍ ደረጃ አገራችን በሁሉም የሥልጣኔ መለኪያዎች የመጨረሻውን ደረጃ ይዛለች
• እውነትን የሚያሳውቁ የመገናኛ ብዙኅን ተዘግተዋል፣ ሠራተኞቻቸው ታስረዋል፣ ተሰደዋል
• ባጠቃላይ ሲታይ ራሱ ያወጣውን ሕገ መንግስት እንኳ ማክበር ያልቻለ መንግስት ነው

የትግሉ ዓላማና መርሆች

መንግስት እውነተኛ ለውጥ እንዲያመጣ 25 ዓመታት ያህል ተጠብቋል። ሆኖም ችግሮች እየተባባሱ እንጂ እየቀነሱ አልሄዱም። ከዚህ በላይ መንግስት ተጨማሪ ጊዜ ይሰጠው ዘንድ አግባብ እንዳልሆነ ህዝቡ እየተናገረ ነው። እንዲህ ከሆነ በመካሄድ ላይ ያለው የህዝብ ትግል ዓላማው ምን መሆን ይኖርበታል? የህዝቡ ጥያቄ ከወልቃይትና ከመሬት ቅርምት ጋር ከተያያዙ ጥያቄዎች ያለፈ ነው። ውድ ኢትዮጵያዊያን መስዋዕት የሆኑለት ዓላማ የላቀ  ነው። አጠቃላይ መሠረታዊ ለውጥ እንደሚያስፈልግ በግልጽ ታይቷል። ጥያቄው መሠረታዊ ለውጥ ሲባል ምን ማለት ነው የሚል ነው። ለዚህ ጥያቄ የማያሻማ መልስ መስጠት ትግሉ ውጤታማ እንዲሆንና አላስፈላጊ መስዋዕትነት እንዳይኖር ያደርጋል።

ከላይ ከተዘረዘሩት የትግሉን አስፈላጊነት ከሚያጎሉት ምክንያቶች እንዲሁም ህዝቡ እያስተጋባው ካለው መፈክር በመነሳት ትግሉ መቆም ያለበት ፍጹም ዘለቄታ ያለው ፍትህና ነጻነት ሲረጋገጥ ብቻ ነው።  ሁሉም ኢትዮጵያዊያን ያለምንም መሸማቀቅ አስበው ተናግረው ሠርተው የሚኖሩባት የሚኮሩባት አገር ይናፍቃሉ። ማንኛውም ዜጋና የመንግስት አካል እኩል ከሕግ በታች የሚሆንባት አገር ትመሰረታለች።  ይህን መሠረታዊ ለውጥ ለማምጣት ግን ትግሉ በመርሆች ላይ የተመረኮዘ መሆን አለበት። ለምሳሌ ያህል ቀጥለው የተዘረዘሩትን መርሆችና የአቋም መግለጫዎች ግምት ውስጥ ያስገባ ትግል በሁሉም የኢትዮጵያ ክፍል ተጠናክሮ  ይቀጥል ዘንድ ያስፈልጋል።

• ኢትዮጵያዊያንን ለማሸማቀቅና ለማፈን የወጡ ሕጎች ተቀባይነት የላቸውም
• የትግሉ ዓላማ ለኢትዮጵያዊያን ዘላቂ ፍትህና ነጻነት ለማምጣት እንጅ የመንግስት ባለሥልጣንንና አጋሮቻቸውን ለማሳደድ አይደለም
• የመንግስት ባለሥልጣንንና አጋሮቻቸው የለውጡ አካል መሆን አለባቸው
• ትግሉ የህዝብ ስለሆነ በአንድ የፖለቲካ ፓርቲ ሊመራ አይችልም። ይልቁንስ ሁሉንም የኀብረተሰብ ክፍል የወከለ ታማኝና አስተዋይ ግለሰቦችን ያካተተ ልዩ ብሄራዊ ግብረ ሓይል ይመሰረታል
• በሁሉም የኢትዮጵያ ክፍል ሁሉም የኅብረተሰብ ክፍል የትግሉ አካል መሆን አለበት
• በትግሉ ወቅት የመንግስትም ሆነ የመንግስት ደጋፊ ግለሰብ ንብረት አይወድምም። ይልቁንስ ለትግሉ መፋፋም ሊያግዝ ይችላል
• ትግሉን ለማኮላሸት የሚጥሩ ካሉ በምክር እንዲመለሱ ይደረጋል። ይህም ካልሆነ ከማንኛውም የማኅበረሰብ ሱታፌዎች ይገለላሉ
• የሃይማኖት ተቋማት በአንድም በሌላም መንገድ ትግሉን ከማቀዝቀዝ መታቀብ አለባቸው
• ትግሉ ፍጹም ሰላማዊ ነው። ዳሩ ግን የመንግስት ታጣቂዎች እርምጃ የሚወስዱ ከሆነ ማናቸውም አዋጭ የትግል ስልቶች ሥራ ላይ መዋል ይችላሉ
• ህዝባዊ ትግሉን ለሚያስተባብሩ ወገኖች ህዝቡ የደኀንነት ጥበቃ ያደርጋል
• በትግሉ ወቅት የወደቁና የሚወድቁ ውድ ኢትዮጵያዊያን የሰማዕትነት ክብር ይሰጣቸዋል
• ትግሉ የኢትዮጵያዊያን ለኢትዮጵያዊያን በመሆኑ የምዕራብ አገሮች ላይ ጥገኛ አይሆንም

ባለድርሻ አካላት

ከላይ የተዘረዘሩትን ዓላማዎች በተሳካ ሁኔታ ለመምታት የተለያዩ አካላት ልዩ ሱታፌ ማድረግ አለባቸው። በታሪካችን ከዚህ በፊት የተካሄዱት የለውጥ ሙከራዎች ዘለቄታዊነት ያለው ውጤት ያላመጡት በብዙ ምክንያቶች የተነሳ ቢሆንም ዋናው ግን ባለድርሻ አካላት እንደሚገባቸው ባለመሥራታቸው ነው። የለውጡ መሪ አንድ ፓርቲ ወይም ወታደሩ ስለነበር የፈለግነውን ውጤት አላገኘንም። ከዚህ ተመሳሳይ አዙሪት ለመዳንና ኢትዮጵያዊያን ወደማያዳግም ዘርፈ ብዙ ለውጥ እንዲሸጋገሩ ከተፈለገ ትግሉ ሁሉን አሳታፊና አቃፊ መሆን ያስፈልገዋል።

በመሆኑም መንግስትና ደጋፊዎቹ፣ ትግሉን በማካሄድ ላይ ያለው ሰፊው ህዝብ፣ የፖለቲካ ፓርቲዎች፣ የሃይማኖት ተቋማትና የመገናኛ ብዙኅን ልዩና ላቅ ያለ አስተዋጽዖ ማድረግ ያስፈልጋል። የፖለቲካ ፓርቲዎች ከልምዳቸው በመነሳት ለትግሉ የሚጠቅሙ ስልቶችንና ግብአቶችን ሊያቀርቡ ይችላሉ። ዳሩ ግን ትግሉን ለሥልጣን ሲሉ ብቻ ለመቆጣጠር የሚሞክሩ እንዳይኖሩ ልዩ ጥንቃቄ ማድረግ ያስፈልጋል። የሃይማኖት ተቋማት ለእውነት መቆምና አማኞቻቸውም መንግስትን የመቃወም መብት እንዳላቸው መቀበል አለባቸው። ኢትዮጵያም በውጭውም ዓለማት ያሉ የመገናኛ ብዙኅንም እየሆነ ያለውን እውነታ በወቅቱ መዘገብ እንዲሁም ህዝብን ሊከፋፍሉ የሚችሉ ዝግጅቶችን ከማቅረብ መቆጠብ ይጠበቅባቸዋል። እንዲያውም አንድነትን፣ ፍትህንና ነጻነትን የሚሰብኩ ሥራዎችን ማቅረብ አለባቸው። ከዚህ ቀጥሎ ደግሞ የመንግስትና የደጋፊዎቹ ድርሻንና አስፈላጊነት ሰፋ አድርጌ ለማሳየት ልሞክር።

መንግስትና ደጋፊዎቹ

ምንም እንኳን በሕግ እንደሚታወቀው መንግስትና ገዥ ፓርቲ የተለያዩ ቢሆኑም በነባራዊው የኢትዮጵያ ሁኔታ ግን ሁለቱ አንድ ናቸው። ኢሕአዴግ ፓርቲም መንግስትም ነው። ኢሕአዴግ የሆነ ሁሉ ግን እኩል መብትና አቅም የለውም። ሕወሐት የመንግስት መሥራች፣ አስኳልና አጥርም ነው። ሌሎች ኦሮሞውን፣ አማራውንና ደቡቡን እንወክላለን የሚሉ ፓርቲዎች የሕወሐት ተባባሪዎች ናቸው ቢባል አይጋነንም። የሆነው ሆኖ መንግስት የለውጡ አካል መሆን አለበት ስል ሕወሐትን፣ ብአዴንንም፣ ኦሕዴድንም እንዲሁም ደሕዴድንም ይመለከታል። ይህ መንግስት የሚቆጣጠራቸውን የስለላ ተቋሙን  ወታደሩን ፖሊሱንና ሚሊሻውንም ይመለከታል። የመንግስት ደጋፊዎች ስል ደግሞ በቢዝነስም ይሁን      በርዕዮተ ዓለም መንግስትን የሚደግፉና ከሱም ጋር በሽርክና የሚሠሩትን ኢትዮጵያ ውስጥና በውጭው ዓለም ያሉትን ግለሰቦችንና ድርጅቶችን ያካትታል።

ከዚህ በፊት የተካሄዱት አብዮቶች በጥሎ ማለፍና በጥቃትና በበቀል ላይ የተመሰረቱ ናቸው። ደርግ የጃንሆይን መንግስት የለውጡ አካል ለማድረግ ጥቂት ሞከረና ወደ እብሪት ተሸጋገረ። በደመ ነፍስ ንጹሐን ኢትዮጵያዊያንን ሳይቀር በጅምላ ረሸነ። የደርግን ጥሩነት ለማሳየት የጃንሆይ የነበሩትን ሁሉንም ሥራዎች ማውገዝን ተያያዘው። በዚያም የተነሳ ቀላል የማይባል የህዝብ ድጋፍ አጣ። አይወድቁ አወዳደቅ ወደቀ። ያሁኑ መንግስትም 25 ዓመት ሙሉ ደርግን በማውገዝ የራሱን ንጽህናና ልማታዊነት ለማሳየት ይጥራል። ከዚያም አልፎ ስህተቱን የሚነግሩትን ወገኖች ነፍጠኛና ያለፈው ሥርዓት ናፋቂ በማለት ያሸማቅቃል። ባጠቃላይ በዚህ መንግስት ዐይን ሲታይ የደርግ የነበረው ሁሉና  ስለኢትዮጵያ የሚናገር የተወገዘ ነው። የደርግ ደጋፊዎች የነበሩም እንደ ዜጋ አይቆጠሩም። ይህ አስተሳሰብ ግን ለመንግስት ኪሳራ እንጅ ትርፍ አላስገኘለትም።

ያሁኑ ህዝባዊ ትግል ግን ፍጹም የተለየ መሆን አለበት። ዘላቂ ሰላም፣ እውነተኛ ዴሞክራሲና ነጻነት ለማምጣት ሰላም፣ እውነተኛ ዴሞክራሲና ነጻነት እንዳይኖር የጣረውና የሚጥረው መንግስትና ደጋፊዎቹም መካተት አለባቸው። ይህም የታሰበው ስለአራት ዋና ዋና ምክንያቶች ነው። አንደኛ በመንግስት መዋቅርና በሽርክና የሚሠሩ፣ በሀሳብና በሞራልም የሚደግፉ ምናልባትም በሚሊዮን የሚቆጠሩ ኢትዮጵያዊያን ይኖራሉ። እነሱም የለውጡ አካል ቢሆኑ ትግሉ ዓላማውን በቶሎ ያሳካል። ሁለተኛ መንግስትና ደጋፊዎቹም ቢሆኑ እውነተኛ ነጻነት ፈላጊዎች ሊሆኑ ይችላሉ። ሦስተኛ በብድርና በእርዳታ እስከ አፍንጫው ድረስ የታጠቀውን መንግስትን የለውጡ አካል ማድረግ የይቅርታና የርህራሄ መንፈስን ስለሚያንጸባርቅ ትግሉ ሰላማዊ ይሆናል። አላስፈላጊ የሕይወት መስዋዕትነትንና የንብረት ውድመትን ያስቀራል። አራተኛ መንግስትንና ደጋፊዎችን የለውጡ አካል ማድረግ ለነገው ትውልድ የማይረሳ ትምህርትን ይሰጣል። ለውጥ የሚመጣው በማጥቃትና በማግለል ሳይሆን በዳይንም ተበዳይንም በማሳተፍ እንደሆነ ትውልዱ ይረዳል። እንደ ባህልም ይይዘዋል።

ዳሩ ግን መንግስትና ደጋፊዎቹ የለወጡ አካል ሊሆኑ የሚችሉት ለሥልጣን ከመስገብገብና ከስሜት ወጥተው ለምስኪኑ ዜጋ ማሰብ ሲጀምሩ ነው። የተገነቡ ሕንፃዎችንና መንገዶችን እንዲሁም የተመሰረቱ ብሄር ተኮር ፓርቲዎችን ብቻ እያነሳሱ መመፃደቅ የትም እንደማያደርስ መታወቅ ይኖርበታል። ኢትዮጵያ ያለባትን የገንዘብ እዳ፣ የህዝቡን ተጨባጭ የዕለት ተዕለት ሕይወት፣ የእስር ቤቶችንና  የታሳሪዎችን ብዛት፣ የተሰደዱትንና በሂደቱም የሞቱትን ወዘተ በማስታወስ የማዘንና የመጸጸት ከዚያም ለውጥ ለማምጣት የማመን አዝማሚያ መታየት አለበት። ጊዜው የፈለጉትን ገሎና ዘርፎ ውጭ አገር በሰላም መኖር የሚቻልበት እንዳልሆነ ማሰብም ይጠቅማል። መንግስትና ደጋፊዎቹ በዚህ ወሳኝ የለውጥ ሂደት ቢሳተፉ ታሪክና ልጆቻቸው በበጎ እንደሚያነሷቸው እስካሁንም ለተሠሩ ስህተቶችና ግፎች ማርከሻ ወይም ንስሃ እንደሚሆን ማወቅ አለባቸው። ዛሬና ነገ እውነተኛና ዘላቂ ለውጥ ለማድረግ ያሰበን አካል ህዝቡ በትናንት በደሉ ሊፈልገው አይችልምና! ስለዚህ ባለቀ ሰዓት መንግስት የማይረሳ እንቁ ታሪክ የመሥራት እድሉ አለው።

መንግስት ተሳትፎውን በልዩ  ልዩ  መንገዶች  መግለጽ መጀመር ይችላል። ለውጡን የሚያስተባብር ልዩ ብሄራዊ ግብረ ኃይል ቶሎ እንዲቋቋም መፍቀድ በሱም መሳተፍ፣ ለሰልፍ የሚወጡት ላይ ምንም አይነት እርምጃ አለመውሰድ፣ ለችግሮችም መፍትሔ እንደሚሰጥ ማሳወቅ፣ በትግሉ ምክንያት የታሰሩትን ያለቅድመ ሁኔታ መፍታት፣ የመንግስት መገናኛ ብዙኅን ከአጉል ቀስቃሽ ፕሮፓጋንዳ እንዲታቀቡ ማድረግ፣ ባጠቃላይ ለሁሉም ኢትዮጵያዊ እኩል የሕግ ከለላ ማድረግ ወዘተ ሊሆን ይችላል።

ልዩ ብሄራዊ ግብረ ኃይል

ከላይ እንደተገለጸው አስተማማኝና ዘለቄታ ያለው ለውጥ ለማምጣት መንግስት አቅምም ፍላጎትም እንዳለው ባለፉት 25 ዓመታት ውስጥ አላሳየም። አሁን ተነስቶ ይህን ለማድረግ ቃል ቢገባ እንኳን ማንም አይቀበለውም። መንግስት ከኦርቶዶክሱ፣ ከሙስሊሙ፣ ከአማራው፣ ከኦሮሞው፣ ከጋምቤላው፣ ከአፋሩ፣ ከሶማሌው፣ ከጉራጌው፣ ወዘተ በደንብ ተለያይቷል። በአንጻሩም ይህን ትግል በተሳካ ሁኔታ ሊመራ የሚችል የፖለቲካ ፓርቲ እንዳይኖር ላለፉት በርካታ ዓመታት በዘመቻ ተሠርቷል። ትግሉን ህዝቡ እንደጀመረ ህዝቡ ይጨርስ ማለት ደግሞ አይቻልም። በየዕለቱ 100 ሚሊዮን ህዝብ ሰልፍ መውጣት የለበትም። ህዝቡ የትግሉ ባለቤትና ኦዲተር ሆኖ አሥፈጻሚ አካል ወይም ልዩ ብሄራዊ ኮሚቲ ያስፈልገዋል። ይህን ልዩ አካል መምረጥ ያለበት ህዝቡ ራሱ ነው። ኮሚቴው ለምንና እንዴት መመረጥ እንዳለበት ለመነሻ ያህል ጥቂት ነጥቦችን ላንሳ።

• የዚህ አካል ዋና ዓላማ ፍጹም ግለሰባዊና ቡድናዊ ነጻነት፣ ፍትህና ዴሞክራሲ የሚገዛው መንግስት ለመመስረት የሚያስችሉ ጉዳዮችን መለየትና ተግባራዊ ማድረግ ነው
• ሥራውንም ለዚሁ ተብሎ በሚዘጋጀው መንገድ ለህዝብ በየጊዜው ያሳውቃል
• ዝርዝር የሥራውን ጠባይና አይነት ከባለቤቱ ከህዝቡ ያገኛል
• አሥፈጻሚው አካል ወይም ልዩ ኮሚቴው በብሄራዊ ደረጃ መዋቀር አለበት። ከመንግስትና ከሁሉም የአገሪቱ ክፍሎች የተውጣጡ ግለሰቦች መካተት ይኖርባቸዋል። ዳሩ ግን በዘር ላይ የተመሰረተ ውክልና እንዳይኖር ጥንቃቄ ያስፈልገዋል
• የሚመረጡት ግለሰቦች ከሙስና፣ ከዘረኝነትና ከድንቁርናና ነጻ የሆኑና የሥልጣን ጥም ያላገኛቸው፣ ለእድገትና ለለውጥ ቀና አስተሳሰብ ያላቸው፣ ግልጽነትንና ተጠያቂነትን የሚያፈቅሩ እንዲሁም ጥበበኞችና ተናግሮ አሳማኞች መሆን አለባቸው
• የሚመረጡት ግለሰቦች ኢትዮጵያ ውስጥ በውጭውም ዓለም ከሚኖሩት መሆን ይገባዋል
• የሚመረጡት ግለሰቦች በሰላማዊ መንገድና በትጥቅ ትግልም ከሚታገሉ ድርጅቶችም መመረጥ አለባቸው። በትጥቅ ትግል ካሉት ድርጅቶች ውክልና እንደተገኘ የትጥቅ ትግላቸውን ቅድመ ሁኔታ በማስቀመጥ ለጊዜው ማቆም ያስፈልጋል
• የሚመረጡት ግለሰቦች በፖለቲካ ምክንያት በእስር ቤት ካሉትም ሊካተቱ ይችላሉ

ማጠቃለያ

የኢትዮጵያ ህዝብና መንግስት አንዱ የሌላውን ጭራ ወይም ጅራት ይዟል። አንዱ ቀድሞ ቢለቅ በሌላው ሊነከስ ይችላል። ያለው አማራጭ ሁለቱም አካላት እጆቻቸውን ከጨበጧቸው ጭራዎች ላይ በአንድ ጊዜ በማንሳት እጅ ለእጅ ለመያያዝ ፊታቸውን ማዞር ነው። እጅ ለእጅ ከተያያዙ መተያየት ይመጣል። ከተያዩ ደግሞ መነጋገር ይችላሉ። ከተነጋገሩ ደግሞ ወይ ወደጭራ መጨበጥ ለመመለስ ወይም ደግሞ ለመተቃቀፍ አለበለዚያም በመሃል ገላጋይ ለማስገባት ይችላሉ። በዚህ ጽሑፍ የተነሳው ዋና ሀሳብ የሚያተኩረው ጭራን ለቆ እጅ ለእጅ ለመጨባበጥ ዝግጅት ማድረግ ላይ ነው። ዝግጅቱ እየተካሄደ ወይም ካለቀ በኋላ ግን መጨባበጥ ከዚያም መተቃቀፍ ሊመጣ ይችላል።

ከላይ የተጠቀሰው ልዩ ብሄራዊ ኮሚቴ ዋና ሥራው መጨባበጥና መተቃቀፍ የሚደረስበትን ምቹ መንገድ መጥረግ ነው። መንግስት ልዩ ሓላፊነት ስላለበት በከፍተኛ የሞራል ልዕልና ላይ በመገኘት ኮሚቴውን ማገዝ አብሮም መሥራት ይኖርበታል። ኮሚቴው ሥራውን እስኪያቀላጥፍ መንግስት ለለውጥ የምር እንደተነሳሳ ለማመልከት ልዩ ልዩ እርምጃዎችን ሊወስድ ይችላል። የፖለቲካ እስረኞችን ያለቅድመ ሁኔታ መፍታት፣ በትግሉ ሂደት ስለሞቱት ይቅርታ መጠየቅ፣ የተጎዱት ህክምና እንዲያገኙ ማድረግ፣ የመገናኛ ብዙኅንን ለህዝብ ፍጆታም እንዲውሉ መፍቀድ፣ በነጻነት መናገርንና መጻፍን እንደገና ማበረታታት፣ ወዘተ ሊሆን ይችላል። ይህ ከተደረገ መንግስት ራሱን በአዲስ የታሪክ መዝገብ ላይ ያገኛል። ራሱንና ህዝቡን ከጥፋት ያድናል። እንዲህ በሥራ የሚገለጽ የለውጥ ፍላጎት ብዙ ድካምና ጣጣ ካለበት ብሄራዊ እርቅ ይልቅ አብዝቶ ይናገራል። የቀደመ በደልንና ግፍን ይሽራል።

እኔ የምመኘው ይህን ነው ለውጡ ማንንም ሳያገልና ሳይበላ በንጽህና ይካሄድ ዘንድ! ይህን ለማድረግ ከፍተኛ የሞራል ልዕልናና ዲሲፕሊን ከሁሉም ወገን ያስፈልጋል። ይህ የሞራል ብቃት ከሌለ ግን ያቀረብኩት ሀሳብ እርባና የለውም። ምንም ይሁን ምን ኢትዮጵያ አገሬ በሰላምና በአንድነት የምር ለውጥ ታመጣና ትጠብቀውም ዘንድ ስለምመኝ ይህን ብያለሁ። እናንተ ውድ አንባቢያን ደግሞ ከዚህ እጅግ የነጠረና ተግባራዊ የሆነ መፍትሔ ልታቀርቡ ትችላላችሁ!

ገንቢ አስተያየት ካለዎት በteklu.abate@gmail.com ይላኩልኝ!

#‎ሰበርመረጃ‬
‪#‎ጎንደር‬
ሐምሌ04
(ሙሉዓለም ገ/መድህን)

ባለፈው ሰንበት በአማራ ክልል ጎንደር ከተማ በአስርታት ሺዎች የሚቆጠር ህዝብ ሰላማዊ ሰልፍ ወጥቶ ወያኔን ተቃውሞ በሰላም ወደ ቤቱ ተመለሰ። በጣም ጥሩና ታሪካዊ ሰልፍ ነበር። በእለቱ ከጥቂት ሰዓታት በኋል ግን በኦሮሚያ ክልል ምስራቅ ሀረርጌ አወዳይ ከተማ ወጣቶች ሰልፍ ወጥተው በአጋዚ አልሞ ተኳሾች 26ቱ ቆስለው እስከ አሁን 6 ሞተዋል። ይሄንን እንደምሳሌ ጠቀስኩ እንጂ ኦሮሚያ ውስጥ ወያኔ ሰላማዊ ሰልፈኞችን በጥይት እሩምታ ሲፈጅ አዲስ አይደላም።

ባለፉት 9 ወራት ካ600 በላይ ዜጎች ተገድለዋል፣ 5000 የሚሆኑ የመቁሰል ጉዳት ደርሶባቸውል። ይሄንን ቁጥር ወስደን ብናሰላው፣ ባለፉት ዘጠኝ ወራት ብቻ በየእለቱ ባማካይ ከሁለት እስከ ሶስት ሰዎች ኦሮሚያ ውስጥ በመንግስት ታጣቂ ሃይሎች ሲገደሉ እንደነበረ ማየት ይቻላል። ይህ ሁሉ ግፍ ሲፈጸም የአምባገኖች ጸባይ ነው ተብሎ ሲታለፍ ነበር። ነገር ግን ሰላማዊ ሰልፍ ሲወጣ የሚገደልው የኦሮሚያ ህዝብ ብቻ መሆኑ ግልጽ እየሆነ ሲመጣ ነገሮችን መለሰን እንድናጤን አድርጎናል። ለመሆኑ በተለያዩ ክልሎች ለወጡ ሰላማዊ ሰልፈኞች የተለያየ ምላሽ ምክንያቱ ምንድ ነው?

1) የኦሮሚያ ሰልፈኞች የጦር መሳሪያ ይዘው አለምውጣታቸው። ምክንያቱም እንደሚታወቀው ባለፉት 25 አመታት ተደጋጋሚ ትጥቅ የማስፈታት ዘመቻ በኦሮሚያ ሲካሄድ ነበር። እናም በግልጽ የታጠቀው ህዝብ አናሳ ነው። በተጨማሪም የኦሮሞ አመራሮች ህዝቡ መሳሪያ ይዞ እንዳይወጣ ሲማጸኑ ነበር። ይሄም የተደረገበት ምክንያት ያቺ ሀገር እና ህዝብ ወደ ዳግም ጦርነት ሳይገቡ በነፍጥ-አልባ ትግል ለውጥ ለማምጣት ካለ ምኞት የተነሳ ነው። ነገር ግን ይህን የኦሮሞን ሰላም ወዳድነት ህወሀቶች እንደ ፈሪነት መቁጠራቸው ገሃድ ወጥቷል።
2) ባለፉት 9 ወራት በኦሮሚያ ውስጥ በተካሄደው ትግል ብዙ ከተሞች ከመንግስት ቁጥጥር ውጪ ሲወጡ እንኳን የትግሬዎች ንብረት እና ህይወት አደጋ ላይ እንዳይወድቅ ከፍተኛ ጥንቃቄ ተደርጓል። ይህ አቋም ግን ሀወሀቶች እንደ ጅልነት (naivity and harmlessness) የተቆጠረ ይመስላል።

ባጠቃልይ የህወሀት መሪዎች እንድን ህዝብ የሚሰሙት በጠመንጃ ሲጋፈጣቸው እና ዘመዶቻቸው ሲነካ ብቻ መሆኑን ደጋግመው አረጋግጠዋል። ለኦሮሞ ህዝባ ያላቸውን መጠን ያለፈ ንቀት እና ጥላቻ በተደጋጋሚ አሳይተዋል። እናም አንድ እጅ ብቻውን ማጨብጨ ስልማይችል የኦሮሞ ህዝብ እራሱን ከተከፈተበት የዘር ማጥፋት ዘመቻ ለመታገድ የስትራቴጂ ለውጥ ሊያደርግ እየተገደደ ነው። ሆኖም ግን ወደዚህ ዓይነቱ መመለሻ የሌለው መንገድ ከመግባታችን በፊት የመጨረሻ እንድል መስጠት አስፈላጊ ሆኖ ተገኝቷል። በዚሁም መሰረት የሚቀጥሉት እርምጃዎች ይወሰዳሉ:

1. በመጪው ቅዳሜ በኦሮሚያ ከተሞች የተቀናጁ ሰልፎች ይካሄዳሉ። እነዚህ ሰልፎች ልክ እንደ ከዚህ በፊቶቹ ሁሉ ፍጹም ሰላማዊ ይሆናሉ። በሰላማዊ ሰልፎቹ ላይ መንግስት ኦሮሞ ላይ እያካሄደ ያለውን ግድያ ባስቸኳይ እንዲያቆም፣ ሁሉም የፖለቲካ እስረኞች ካላንዳች ቅድመ ሁናቴ እንዲፈቱ፣ ኦሮሚያን በኣጋዚ ጦር ማስተዳደር እንዲቆም፣ ህዝቡ ራሱን በራሱ የማስተዳደር መብቱ እንዲጠበቅ የሚሉና የመሳሰሉ ሌሎች መሰረታዊ መብቶችን መከበር የሚጠይቁ ጥያቄዎችና መፈክሮች እንዲንጸባረቁ ይደረጋል።

2. ለዚህ ሰልፍ ፍቃድ አይጠየቅም። በህጉ መሰረት ሰላማዊ ሰልፍ ለማካሄድ የሚያስፈልገው መንግስትን ማሳወቅ ብቻ በቂ ነው። ይህ ጽሁፍ እንደማስታወቂ እንዲረዳ ለኦሮሚያ እና ለፌደራሉ መግስት መሰራቤቶች ገቢ አድርገናል። የኦሮሚያም ሆነ የፌደራል የታጠቁ ሀይሎች ሰላማዊ ሰልፎቹን ለማስተጓጎልም ሆነ በእለቱ በህዝቡ ላይ ጥቃት የሚፈጽሙ ከሆነ ቀጥሎ ለሚመጣው አደጋ ተጠያቂ እንደሚሆኑ በዚሁ ማስጠንቀቅ እንወዳለን። የተቀረው የኢትዮጲያ ህዝብም ለምስክረነት ይህን ግልጽ ማስታወቂያ በጥሞና እንዲያነብልንና ከጎናችንም እንዲሰለፍ ባክብሮት እንጠይቃለን።

(ከጀዋር መሐመድ)
<div>

</div>